+1 vote за ненасилен свет

.
.
.
.


Од секогаш сум човек кој бил и ќе биде вклучен во активистичките движења во светот кои се борат за промени од било каков вид. Активизмот е формата на обединување која во иднина ќе биде главен фактор во креирањето на подобро општество. Текстот во продолжение се однесува на една народна повелба која е создадена на денот на мојот роденден. Интересна е датата [11.11] и самата по себе повлече премногу луѓе кои на различен начин се приклучија. Имаше различни аспекти на кои оваа дата ќе влијае на иднината на цивилизацијата, некои за Тоа зборуваа од духовен аспект, а некои од социјален, економски, здравствен и тн.

Знаеме дека во моментот состојбата во која се наоѓа планетата Земја не е најдобра, секојдневно се соочува со различни недостатоци и дупки во градењето на здрава цивилизација која би можела да ја заштити планетата како и самите себе. Како рефлексија на луѓето кои единствено им е важно уништувањето на сите природни ресурси и материјалната придобивка се создаде критична маса, популација доволно силна со своето активно вклучување во ненасилни протести, фестивали и настани од поширок тип да даде на знаење дека сепак планетата Земја сеуште има луѓе кои се грижат за неа и употребуваат најразлични методи и средства да стават крај на досегашното сценарио.


:стартување на "Народната Повелба за создавање на ненасилен свет"

25 мај 2011 напишано од robertjburrowes

Народната Повелба за создавање на ненасилен свет беше лансиран истовремено на 11 ноември 2011 на неколку локации ширум светот.

Целта на оваа Повелба е да се создаде светско движење кое ќе стави крај на насилството во сите негови форми. Народната повелба ќе им даде глас на милиони обични луѓе од целиот свет кои сакаат крај на војната, угнетувањето, уништувањето на животната средина и насилство од секаков вид. Се надеваме дека оваа Повелба ќе ги поддржи и обедини обичните луѓе од целиот свет, храбри борци против насилството.

Како што можеме да видиме Народната Повелбата многу темелно ги опишува главните форми на насилство во светот. Исто така презентира стратегија како да се стави крај на ова насилство.

Секој од нас може да влијае во запирањето на насилството и помогне во создавањето на мирен и праведен свет. Некои од нас ќе се фокусираат на намалување на нашата потрошувачка, некои од нас ќе ги едуцираат нашите деца на родителски начин, начин кој е безбеден за децата и ја поттикнува нивната еманципација, некои од нас ќе пружат ненасилен отпор пред лицето на военото насилство. Сечиј придонес е важен и потребен. Се надеваме дека оваа Повелба ќе биде отскочна даска за сите нас кои ќе превземеме чекори кон создавање мирен и праведен свет, без разлика колку мали и скромни тие чекори би биле. Со слушање на длабоката вистина во себеси, меѓусебното разбирање/ сослушување и слушањето на планетата Земја, секој од нас може да го најде својот уникатен начин како да помогне при создавањето на овој ненасилен свет.

Зошто го избравме 11.Ноември како дата за лансирање на Народната Повелба?

"Кога бев дете ... луѓето од сите нации кои се бореа во Првата светска војна застанаа и беа тивки за време на 11-тата минута од 11-от час на денот на Примирјето, кој беше 11-от ден од 11-от месец. Во тој момент во 1918 милиони кои се бореа против други милион луѓе престанаа. Имам зборувано со старец кој бил на военото поле по време на таа една минута. Присутните таму зборувале дека таа непланира минута на тишина била како Гласот на Бога. Ние се уште имаме луѓе меѓу нас кои можат да се сетат како Бог јасно му зборува на човештвото. "

[Kurt Vonnegut Jr., атеист хуманист, во својот роман Breakfast of Champions.]


Организацијата

Досега организирани групи на различни локации во светот организираат и лансираат настани и манифестации поврзани со Повелбата. Некои групи организираат континуирани настани се со цел другите луѓе да добијат шанса да се вклучат во локалните така и во националните и интернационалните настани и мрежи.

погледнете ги "идните настани ' за повеќе информации за јаниот настан кој се организира во ваша близина.

Потпишувањето на Повелбата

Народната Повелба може да се прочита и потпише online: кликнете на 'Read Charter’ или ‘Sign Charter’ во страничниот дел на страницата.

„Eдно мало духовно тело стоплено од незгаслива верба во својата мисија може да го промени текот на историјата.“ Mohandas K. Gandhi

Народната Повелба за создавање на ненасилен свет беше објавена на 25 Мај 2011 година.

Robert J. Burrowes – flametree@riseup.net
Anita McKone – flametree@riseup.net
Anahata Giri – anahatagiri@gmail.com

. ..досега немам слушнато дека во Македонија има луѓе здрижени поради оваа Повелба, доколку има заинтересирани за формирање на било каков ветер поврзан со овој вид на активизам кој ќе потекнува од ова движење, слободно пишете ми мене: dzamski@yahoo.co.uk

- никогаш не е доцна да се каже не' на насилството во било која форма!

Како што видов освен овој блог од каде е превземен текстот, има и друга официјална страница и организација која се занимава со истата Мисија. Доколку сакате можете да ја погледнете [овде] или доколку с интересирате повеќе за 11.11. како феномен, и мотивација за организирани промени, од страна на луѓето кои веруваат дека сеуште има простор за такви, можете да ги разгледате и декларациите на дејствување на веќе неколку .org и .net каде освен виртуелно можеш да се вклучиш и физички во конкретни акции кои служат за подигање на свеста d awaking code, spiritual guardians, Warrior Gateway, Ones in a Lifetime, Feed The Children, Doctors Without Borders, Habitat for Humanity и тн., организации кои својата идеја за акт ја имаат засновано на истата оваа Повелба.

.
.

0 comments

:седум совети за freelance пишувачи

.
.
.
.
.
*freelance writer - во текстот подолу некаде ќе биде користено пишувач, некаде писател. Формулацијата е во сооднос со реченицата и нејзината суштина. ..



Да почнеш работа како писател/ пишувач не е толку лесно како што изгледа. Учењето како да се стане слободен писател бара бизнис размислувања не само пишување рифови, драфтови, постови во слободен стил.

Освен претставувањето надвор и обезбедувањето договори, треба да бидете мотивирани и организирани. Ова е навистина тешка транзиција, особено ако немате колеги или пријатели кои имаат опит во тоа и би можеле да ви помогнат.

Ако сте на самиот почетокот и имате надеж да заработувате за вашиот живот од пишување погледнете ги седумте совети кои следуваат подолу во текстот. Имајте на ум дека овие совети се наменети за почетниците кои планираат хонорарно да пишуваат полно работно време, а не за оние кои едноставно пишуваат малку повеќе доцна во ноќта или за време на викендите.



1. Пронајдете простор кој можете да го наречете свој

Иако можеби ќе помислите дека сите хонорарни писатели ги поминат своите денови на каучот пред телевизор брзо ќе откриете дека мотивацијата е врзана за средината каде работите и со физичката околина. Од исклучително значење е да имате издвоен простор каде што се работи, а не случаен простор каде се` се случува и со посветување малку работа тука и таму.

Некои хонорарни писатели се доволно среќни да имаат простор како би изградиле домашна канцеларија каде полесно се фокусираат на работата и се чувствуваат одговорни. Ако ова не е опција за вас, побарајте соодветно место во близина на вашиот дом.

Некои библиотеки, особено ако живеете во поголемите урбани области, обезбедуваат доволно простор и атмосфера, баш онаква кава е потребна за фокусирање на работата. Oстанатите опции се општински 'трговски' центри, кафе барови, ресторани, па дури и јавните паркови (ако времето дозволува).

Имајте на ум дека ако се поставите во кафуле ќе треба да трошите редовно дел од она што заработувате со вашиот бизнис; да купувате нешто за пиење најмалку на секои два часа или секој час. Ако можете да си го дозволите тоа не би требало да се поставувате во кафуле, тоа е толку едноставно.

2. Креирање и следење на редовен распоред

Слично како и создавањето на вашиот работен простор ќе треба да создадете дневен распоред за хонорарните пишувања. Некои писатели го распоредуваат времето на блок пишување, се будат и работат 3 часа, земаат пауза од 2 часа за вежбање или набавки на потребни материјали, продукти и сл, се враќаат и продолжуваат со работа уште 3 часа, вечерат имаат ноќни активности, а потоа, работат уште 2 часа пред спиење. Други сакаат да бидат по строги и ограничени во своето работно време и го третираат сопственото freelancing хонорарно пишување како полно работно време, од 8 наутро до 5 попладне.

Очигледно вашето работно време и стратегиите можат да варираат во зависност од тоа каков вид на работа извршувате во моментот. Она што е важно да се запамети е дека треба да се постави систем кој Ве држи одговорни секој ден (дури и ако вашиот распоред ви дозволува да земете слободен ден!).


3. Не заборавајте ги даноците и другите такси

Додека вашиот систем долар на час плата може да ви изгледа премногу висок, треба да се запамети дека да се биде слободен писател значи дека ќе треба да ги плаќате квартално даноците за вашето самовработување. (не сум сигурен каков е системот во Македонија, доколку некој знае убаво е да каже подолу во коментарите). Вие ќе бидете одговорни за вашите даноци. Даночните стапки за самовработување се повисоки од даночни стапки за W2 (регуларните) работници.

Ова значи дека освен тоа дека треба да се сетите и да испратите чек на Владата секој квартал, ќе треба да зачувате значителен износ од парите на вашите чекови. За работата да биде полесна и поедноставна за Вас зачувајте иста сума на пари секогаш кога ќе го добивате чекот. Одредената сума е помеѓу вас и вашиот сметководител, но, за многумина помудро е да зачуват најмалку една четвртина од своите приходи за даночни цели.


4. Купете си ги работите кои Ви требаат

Сепак освен што ќе размислувате за тоа како да зачувате пари исто така, треба да бидете практични и при трошењето. Сознанието за тоа какви материјали, опрема и алат Ви се потребни е од суштинско значење за вашиот успех како слободен/ хонорарен пишувач. Осигурајте се дека имате брз и во добра кондиција компјутер за работа. Обично, хонорарни писатели користат лап-топ компјутери како би можеле да работат на различни локации.

Работата како слободно, хонорарно пишување доаѓа мночу често во последен момент - некој сака да промени нешто пред печатење, новата веб-страница на некоја компанија има потреба од дополнителна непредвидена содржина, и тн. Инвестирањето во паметен (smart) телефон е добра опција, така што ќе можете да имате постојан и брз пристап до понудите за работа кои на интернет доаѓаат многу често.


5. Запознајте ги другите од Вашата област на пишување

Вмрежување очигледно завзема голем и важен дел од егзистирањето како самовработен. Вам Ви требаат луѓе од вашата област кои ќе го препознаваат и признаат вашето име и ќе ја почитуваат вашата работа. Но, вмрежување не треба да се ограничи само на комуникација со други писатели.

Графичките дизајнери се големи пријатели со кои би можеле да се дружите - ако ги препорачате на вашите работодавци, тие можат да ве препорачат Вас на нивните. Исто така, искуството во работа со дизајнерите може да Ве направи покомпатабилен за идните проекти. Работодавците веруваат дека постои поголема шанса за кохерентен, добро изграден проект во кој и Вие би биле вклучени.


6. Ажурирајте ги вашите фактури во реално време

Важно е да го пријавувате вашето работно време како слободен писател. доколку не оддавате внимание на тоа ова води кон грешки кои ви носат само загуба.

Дури и ако поминете десет минути во истражување кое ви е потребно за некоја статија помеѓу другите проекти, тоа се десет минути време за кое би требало Вие да имате сметка. Ако имате smart телефон, постојат дури и достапни апликации кои ќе ви помогнат да го најавите вашето време и да создадете фактури дури биле и во движење.




7. Погледни ја содржината уште еднаш

И на крај, кога ја испраќате конечната содржина на вашиот работодавец, мора да бидете апсолутно сигурни дека вашата работа не содржи грешки. Не треба да бидете опседнати со тоа или невротични, но треба да бидете внимателни при последното уредување; еден груб нацрт е добро, но три до пет груби нацрти е уште подобро.

Поставете правило. На пример: Никогаш не испраќајте нешто на работодавачот без пред тоа три пати да го проверите. Вашата полирана/ стилизирана работа ќе ви помогне да се здобиете со доверба и постанете подобар писател.

:превземено од freelance switch; напишано од: Debbie Swanson |

0 comments

:mass-media манипулација во 10 точки

.
.
.
.
Оддамна сакав да сретнам текст, есеј или посоки срочени во краток формат од господинот Чомски кои би можел да ги преведам и за мое лично задоволство постирам на мојот блог. Noam Chomsky, лингвист по професија е еден од најмаркантните модерни филозофи, теоретичари и аналитичари на денешново живеење и еволуцијата на општеството. Интелектуалец кој има изградено цврст пристап кон тековите во речиси сите сфери на егзистенција, како здравјето, образованието, науката, политиката, медиумите и тн.

Најпрепознатлив во светот е по критичките осврти на mass-media-та или медиумите за широките граѓански маси, на кои посветува повеќе од половина од неговите експертизи. Гласно стои против модерните кооперации, кои промовираат капитализам, конзумеризам и политичка моќ врз другите касти/ слоеви од општеството.

Би можел да пишувам многу за неговиот анархо-соц-синдикатски дух, но, за почеток на неговата приказна во мојот блог ова беше доволно за вовед. Доколку сакате да знаете повеќе за него, повеле ле неговата страница, и да, доколку веќе читате немојте да читате за него, читајте ги работите кои тој ги кажува!

:U are d change that u want to see in d world! .. немам појма зошто ми дојде ова :D

1. пренасочување на ГРИЖАта


Пренасочување на вниманието на јавноста од важните кон неважни проблеми/ прашања. Поплавување на јавноста со ирелевантни информации за луѓето да не размислуваат и да не се здобијат со основни познавања и разбирање на светот.



2. создавање на проблеми


Овој метод уште се нарекува "проблем-реакција-решение". Треба да се креира проблем, како јавноста би реагирала на него. пример: да се произведе и пренесе насилство со намера јавноста полесно да го прифати ограничувањето на слободата, економската криза или за да се оправда уништување на државата.



3. постепена промена


Како би се ​​согласила јавноста со некои неприфатливи промени, воведуваат метод на постепено качување на "лажичката" кое трае со месеци и години. Промените, кои можат да предизвикаат отпор кога би биле спроведени брзо и во кус временски период би креирале слаба политика/ политика на мали нозе. Светот вака се менува, па со текот на времето луѓето не можат да бидат свесни за промените.



4. одложување


Друг начин да се подготви јавноста за непопуларни промени е да бидат објавени многу порано, однапред. Луѓето не ја чувствуваат така одеднаш тежината на промените, затоа што претходно се навикнуваат на самата идеја за промени. Освен тоа, "заедничката надеж за подобра иднина", прави ова уште полесно да се прифати.



5. користење детски јазик


Кога на возрасни им се обраќате како на деца се постигнуваат два корисни ефекта: јавноста ја потиснува својата критичка свест и пораката има помоќен ефект врз луѓето. Овој сугестивен механизам често се користи и во рекламирањето.



6. будење на емоциите


Злоупотребата на емоциите е класична техника која се користи за предизвикување краток спој во моменти кога разумно се расудува. Критичката свест ги заменува емоционалните импулси (лутина, страв, итн.) Употребата на емоциите се користи за да се пристапи кон несвесното како би можело подоцна на тоа ниво да се инсталираат идеи, желби, грижи, страв или принуда, или пак да се предизвика одредено однесување.



7. незнаење


На посиромашните класи треба да им биде оневозможен пристапот до разбирањето на механизмите за манипулација со нивна согласност. Квалитетот на образованието на нискиот слој во општеството би требало да биде слаб или под просек, за да јазот меѓу образованието на повисоки и пониски слоеви остана невозможен за премостување.



8. величење и славење на глупости


Јавноста треба да се охрабрува да ја прифати просечноста. Неопходно е да се убедат луѓето дека е (IN, во мода), подобро да се биде глуп, вулгарен и неписмен. Во исто време треба да создадете отпор/ незаинтересираност кон културата и науката.



9. создавање чувство на вина


Треба да се убеди секој поединец дека исклучиво тој е одговорен за сопствената несреќа, поради недоволното знаења кое го поседуваат, ограничените способности или недостаток на труд/ напор. Такви несигурни и потценети поединци, оптоварени со вина, се откажуваат од потрагата на причините за неговата позиција во општеството и револтот против економскиот систем.



10. злоупотреба на знаењето


Брзиот развој на науката во последните 50 години создава зголемен јаз помеѓу знаење кое го поседува масата и оние кои го поседуваат и користат, владеачката елита. "Системот", благодарејќи и на биологијата, неуробиологијата и практичната психологија имаат пристап до напредни информации/ знаење за човекот и на физичко и на психичко ниво.

:овие стратешки точки најпрво ги сподели некој на twitter, не би можел да кажам кој го сподели линкот. Денес го видов на facebook, исто не знам кој го сподели. ..но, сепак го знам изворот од каде тие дошле до него ~

!this is d reality of our media!

:драги мои, време е' да се разбудиме од овој долг сон и да разбереме дека вредиме повеќе од тоа како општеството не третира и почитта кон самите себе треба да биде многу поголема од таа што ја пружиме на нашите работодавачи, владетели, диктатори, императори. ..да, да, тој е редоследот. Демократијата е само искривена слика на една пирамида во која некои се осудени секогаш да бидат најдолу. Биле осудени да бидат најдолу, но, можеме да го промениме тоа, ако почнеме да се променуваме самите себе. Помалку телевизија, помалку реклами, помалку весници и вести. Сепак мислам дека имам доволно свесни читатели кои знаат дека таа е таа искривена слика за која г-динот Чомски во последните 50-тина години збори. Ништо не е променето на подобро, можеби времето за промени е сега! [баталете таа вмро-вската реклама] ова е нешто друго!


“Кога медиумите ќе почнат да зборуваат за сексуалните животи на политичарит, ставете ја раката во својот џеб и запрашајте се: кој ви ги вади парите од новчаникот?”

Noam Chomsky

.

0 comments