. ..буквите кои притаено излегуваат од устата и се редат како славеи и ластовици по жиците во пролет. Photobucket
on Sunday, February 26, 2012

:Во киното Фросина вчера за случи конференцијата за социјални медиуми и активизам организирана од Радио Моф или поточно радио проектот на Младинскиот Образовен Форум. Најпрво бев разочаран дека нема да можам да бидам присутен дека се поклопува со денот кога во Струмица се случуваат карневалите, но, сепак се случи нешто кое најмалку го предвидував.

Се занимавам со активизам веќе десетина години без разлика дали станува збор за online активизам или outdoor активизам, т.е. активизам со организирање на конкретни активности поврзани со теми кои се важни за развојот на демократскиот дух на едно општество. Така и се случи првата пријатна соработка со радиоМОФ откако добив дозвола да го промовирам настанот со нивниот официјален банер на овој блог (иако нема да бидам присутен). Но, и покрај вообичаените активности кои ги имав преку ден и пријатели и гости дојдени за карневалот успеав да најдам време да проследам дел од говорниците на оваа конференција.

Станува збор за одлично искуство кое го имав(ме) сите ние вклучени на конференцијата преку twitter, facebook (и тоа непредвидливо повеќе отколку што очекував) и на самиот канал на радиоМОФ/ engage.

Иако имам претходно искуство со следење на конференции и слични event-и на овој, овој ми остави посебен впечаток затоа што некако делуваше позабавно, поинтерактивно од сите други кои барем јас сум ги следел online.

Во текот на следењето на овој настан се родија интересни дискусии за сајбер просторот, сепак е поразлично да се следи еден настан од дома, некои моменти се слушаат подобро, некои не.. она што лично го перцепираш фаќа само делумно од она што се пренесува. Off дискусиите исто така беа доста продуктивни на моменти. различноста во перцепцијата на одредени термини, односот на технологијата со корисниците и тн.

Овој настан беше извонредна прилика (за секој од Нас се надевам) да научи некои нови работи за конкретните теми кои беа презентирани. Жал ми е дека ја испуштив Тамара, имав гости од сабајле, но се надевам да го гледам видеото кога ќе биде качено online. Темата која таа ја обработува како граѓански активист и интензитетот и начинот на кој пристапува кон одредени проблеми и ранливи прашања е навистина уникатен за нашата средина до сега.


.

RT @darko156 Заклучок: не се пријавувајте за работа во Сивус. Тие ќе ве најдат #engagemk

@Trendolend прави паметен муабет на #engagemk as #always (@Potru)

RT @RadioMOF #engagemk @danijanev инфографикот - универзален јазик за разбирање и комуникација #fb

RT @zabrcanec Prezentacijava na @danijanev lici na #tedx prezentacija. Edukativno, inovativno. #engagemk

RT @ @malaovca @danijanev ne e istiot offline I online, postoi na dvete mesta simultano I neidenticno. #engagemk #mindfuck

RT @ribaro +1 RT @tanjastweets: Распеани Скопјани ги викаат сите да пеат со нив! Dream come true, wish I was there #engagemk

RT #engagemk @RadioMOF ve nosi na SHARE. naskoro povekje informacii #zakacise

Linkда не постоеше пиратеријата македонија немаше да биде земја на информатичари #engagemk #fb (@Potru)

!анонимни нема во македонија, но затоа национализам има колку сакаш! убаво кажано @viktordano #engagemk #anonymous (@Potru)

RT @gvomk @razvigor ke ja prezentira moznosta da se priklucite na nasiot tim. Pishete ni na mk.globalvoicesonline.org #engagemk

:[off topic] кога сме кај македонскиот не се анонимуси, туку анонимни #engagemk (@Potru)

* * *

.. е сега ми остана сега уште еден твит не забележан, па ќе го постирам овде со надеж да биде одговорен :)

@RadioMOF може да ми пратите на домашна адреса стикери од #engagemk? ако Да, ќе бидам многу среќен! p.s. inBox ќе ја проследам адресата.. :)


PAINTED, ETC. - Almost Raffaello.

Од прилика ова се твитовите кои би ги оздвоил за значајни за овој настан проследени од моја страна и некоја симулација на конференцијата во мојот timeline што би се рекло сега актуелно.

Првата презентација која ја проследив беше онаа на Сивус и ќе се согласам со тоа што го има кажано Дарко. Со оглед на тоа дека им ја следам нивната работа online како и на регуларните социјални мрежи така и на професионалните, станува збор за извонреден тим кој стои позади оваа компанија и кои презентираа интересно видување на односот со посетителите, клиентите и бенефитот од сето тоа.

Трендо е човек за кој може многу да се пишува, секогаш е достоен да се слуша, неговите ставови го отсликуваат виртуелниот пазар онака како никој друг не може. Односот со публиката, начинот на пренесување на информациите е тоа што многу малку говорници во денешно време не го поседуваат за разлика од него, кој периодот иако актуелен со неговите гостувања по повеќето медиуми како телевизиски, така и виртуелни (го гледав во политико, го слушав на радиоМОФ, еве сега го гледавме на engage) никако да здосади, или да те доведе до ниво на баналност, смешнаи самата споредба.

off.net е следниот проект во кој се впушта, тука сме да го следиме.. и да учиме од него.

Дани Јанев имаше одлична презентација за инфографиците. Сега знам повеќе за суштината на инфографикот и некогаш навистина би сакал да се обидам да направам некој добар инфографик.

Виктор (@IT.com.mk) спомна интересни работи околу хактивизмот, што е тоа што те прави хактивист, можеш ли да завршиш во затвор. .. отвори и теми кои се загатливи, како анонимните, нивните дејствија и акции.

Филип (@razvigor) зборуваше за тоа како network-от кој го создаваш може да генерира информација која потоа може достојно да биде презентирана на целиот свет. За неговото искуство со cnn и артиклот за проектот 2014, начинот на ликање на одредени ставови од одредени блогери кои во тој период имаат пишувано за оваа тема, стручни анализи и сл.

Спомена и за отворената соработка и можност за волонтирање како freelance волонтер блогер/ колумнист за Global Voice на Македонски се` на се, интересна презентација за проследување.

Посебен поздрав за гостите од страна, Одлични презентации. Приликата да бидеме во тек со модерните социјални заедници на Балканот, интегрирањето во глобалните текови и можноста да слушнеме за нивните начини на работа беше уникатен. Не би издвоил ниту еден од гостите, сите зборуваа за различни теми кои се доста суптилни и би можело да се пишува со часови, а и се надевам на поактивно блогерство од моја страна кога ќе бидам активно (in person) вклучен во настанот. Со ова го надополнувам моето мислење и желба да се случи редица такви настани организирани од радиоМОФ затоа што покажаа како се организира професионално еден настан кој детално обрати тема, доста важна за секој кој се занимава со социјални медиуми и активизам во Македонија.

Честитки за организацијата и за одличниот избор на паузите, музиката, бит боксот, танцовиот перформанс, распеани скопјани и сите други кои не успеав да ги гледам!

p.s. не се согласувам со некои коментари упатени до организацијата во однос на нивниот маркетинг и информирање/ рекламата за настанот претходно. Сепак мислам дека настанот делумно си ја заврши одлично работата и таму, секогаш може и повеќе, но луѓето кои ги следат активностите на МОФ беа информирани.

Првите текстови за настанот веќе излегоа на страницата на радиоМОФ и на плусИнфо [читајте] како и видеото од говорот на Влатко Васиљ () на . Благодарност до Весна Илиевска (@vilievska) за фотографијата со мене, целиот сет може да го погледнете на нејзиниот профил на flickr, сепак му благодарам и на Филип (@razvigor) кој исто така направи неколку фотографии. :))


.во текот на следната недела од организацијата потврдија дека и видеата од другите говорници ќе бидат качени, аривидерчи, ми беше задоволство да присуствувам ~
on Friday, February 24, 2012
.секако немаше да пишувам за ова, но анонимните ме изнервираа со тоа што ќе и помагаат на грчка околу долговите, а таман си мислев дека ќе им дојде времето за освестување. .. дојде време за едно поголемо освестување, појаснување. алелуја! толку слични, толку различни, толку Европски е видеото и новата кампања на ЕУ Проширување или појасно, зголемување на бројот на членките на таа голема, кружна и не толку заоблена Унија. погледнете!


'So similar, so different, so European'

.
:со години се чека да станеме дел од големата дама, дали тоа ќе биде наскоро, дали Вие тоа го сакате зависи од Вас самите. ако гледате плодна поле за дискусија и кажување на Вашите ставови повелете овде е местото. она што би го додал јас во овој пост е дека видеото е одлично. збунувачки Вистинито, некогаш просто ги затвараме очите пред убавините кои нашиот народ, традиција, култура, историја ги носи сама по себе, па чекаме некој друг со HD верзија да ни ги отвори.

.Ова видео е самo доказ дека SEE (Југоисточна Европа)e возбудлива, уникатна и убава страна/ дел од светот. овој регион овде е исполнет со уникатни и неповторливи традиции, култура и одблежја. Да, секако дека овој дел од Европа се разликува од останатите делови, но тоа не би требало да биде тоа што ќе не оддалечува од оваа декларативна Европска Унија, туку напротив она што би требало да не зближува. Секако дека и овие простори се фасцинантни, невообичаени и вибрираат со посебна убавина.

Овој клип покажува на еден извонреден начин дека ние не застанавме заробени во времињата за промени, секако дека со реформите кои се спроведуваат меѓу сите држави кандидати, пациенти во чекалната се случија енормни промени во сите сфери. Во обид да бидеме поблиску до стандардите на Европската Унија ние се реализиравме во обидот да го следиме модерното живеење иако сеуште не сме се присоединиле. Сите оние кои ги немаат посетено овие простори верувам дека ќе се изненадат позитивно од она што ќе го видат во ова видео, и јас самиот се изненадив и штом видов дека Бобан Пијанманов (мој facebook пријател) го сподели решив да напишам два три збора овде. Убаво е сите да знаеме дка овде се скриени огромни богатства како природни така и потенцијал, човечки ресурси и капацитети кои можат да се справат со современиот тек на развој на едно општество.



Македонија, Албанија, Босна и Херцеговина, Хрватска, Црна Гора, Србија и Косово се земјите кои сеуште чекаат во чекална, иако животот ако го гледаме во крајност сеуште не е болница, а далеку е од онаа стручната, специјализираната.. немаме потреба како држава од диспанзерска терапија, и се надеваме да го фатиме возот со Хрватска која наскоро ќе стане 28от член на Европската Унија.

Дали ова видео ќе помогне во промовирањето позитивни вредности за Балканот и Југоисточна Европа? – секако да!

Проширувањето на ЕУ е она што навистина треба во моментот како би имало подобрување во било кој аспект. Јас би гласал ЗА, не заради стандардите, нормите и условите кои (треба да) ги исполни(в)ме туку заради основниот факт дека сме дел од овој континент и од голема значајност за мала земја како нашата се овие интеграции. Доколку сакате да следите повеќе околу оваа кампања за проширување проверете го ова овде, или пак facebook и twitter.

See ya! ;)

on Wednesday, February 22, 2012
.
.
Хјустон, имаме проблем!

.
[Ликовите во овој Спејс шатл со име Тралаладонија, сами се одбраа за да ја претставуваат нашата вселенска мисија. Разликата помеѓу Идиократиј и Тралаладонија е од морфолошки карактер и без еволутивни влијанија.]
.


.
.кратка одисеја, ретроспекција е новата сага која денес имавме прилика да ја видиме објавена на окно. креатор е добро познатиот #fake монтажер @ribaro кој така наивно, умерено покажува интро на еден филм кој не верувам дека некој од Нас сака да почне/ продолжи да го гледa.

:иако тrailer-ot, онака trash-ерски е одличен, се надевам дека филмот нема да се снима. вистинито Јане како и секогаш, кој да се разбуди само, кој да се освести? да не побрзаме со етикетирањето само ќе кажам дека имаме така лоша main stream политика, која речиси шопски, како коњ со затворени очи [да гледа само право] забрзано ја носи целата кочија во некој дол, ѕид, во Вардар после силни поројни дождови, за мене како млад нереализиран човек дури наликува како коњот да има залетано да скока во le grande кањон и тоа без опрема за скокање.

.очаен од друга страна е фактот дека опозиција е жална, како детиште од 4 години кое плаче и вреска како да е штотуку родено. и тоа не престанува, како догма продолжува да тлее и да рефлектира во вакви дела. кога некој би ми дал право да избирам веднаш би кажал не за овие твои епизоди, не за еднооки, не за бербери и сл. south park е нешто друго, иако е анимирано. тематиката е тоа што не убива во поим сите нас во државата. кога бумерангот без разлика од кое поле на дејствување е испратено се враќа во политичкиот ринг и таму се тера мегданот. не е задолжително се` да се поврзува, конектира со тие сноб.јекти кои немаат трошка свест за оние кои немаат леб, оние кои немаат струја.. се се плашам дека нема кој да ни ги отвори очите во доследно време. анонимните ќе го исклучат интернетот, ЕВН струјата. ќе продолжиме да се фарбаме се додека има бои, а до тогаш населението ќе биде без дрва во сред зима, здрави и прави под социјалка, паметни и интелигенти на шалтер за вработување во биро и тн. до недоглед. се надевам еден ден ќе се промени твојата монтажа како резултат на позитивните промени во државата. до тогаш опуштено отпоздравувам и го оставам инсертот од најновиот нереализиран филм спонзориран од новопечената држава Тралаладонија да пее и во овој виртуелен простор.

..би сакал некогаш повеќе да пишувам за политиката во нашата држава, за начинот на кој политичарите преку своите колумни градат однос со народот, за нивните отворени за народот канцеларии, за обидот на решавање на граѓанските проблемите, но, некако се сметам неповикан меѓу толку сезнајковци и политичари кои единствено самите се дефинираат како такви, а не исполнуваат ниту една од нормите кои треба условно да ги поседува еден политичар.

.секогаш ја прескокнувам оваа тема, така ќе биде и сега, жално за македонските партии кои направија младинава на моменти да се однесува ноншалатно и незаинтересирано иако апокалиптичноста и календарот на маите како навистина овде почнале да дејствуваат. а луѓето зборуваат за топлификации, гасификација, за реализирана утопија до 2022 и тн. (посакувам успех и нова планета.. )
on Tuesday, February 21, 2012

:Education is a progressive discovery of our own ignorance!
Will Durant

.. сте се запрашале ли некогаш која е иднината на образовниот систем, школувањето, генерирањето нови мозоци?


.едукационите програми се застарени, младите далеку понапредни од генерациите порано. фабричкото производство на академски граѓани допринесе развој кој најмалку се очекуваше. презаситеност на општеството од интелектуален мозок, голема невработеност, неефикасност во самиот процес на едукација, некласифицираноста на приоритетите на одредени индивидуи, пластичното трупање на непотребни информации наспроти неискористените таленти, неоткриените интереси кај младите за општествените, природните науки. затвореност на духот со премногу материјал за бубање (учење) наспроти духот за реализација преку физички, креативни активности, похумани методи и техники, пристап адаптиран на денешново време.



Тамара Атанасоска (TAtanasoska) сподели прекрасно мотивирачко видео кое зборува за различноста во размислувањето, за промената на една парадигма во/ за општеството, за иднината на образованието. покажува како храбро треба да застанеме пред нашите цели и да зацртаме она што е видливо во сегашниот систем, да повлечеме линија и кажеме јавно и гласно дека му е потребна итна промена. сегашното образование како такво не нуди доволно, дали посакуваме премногу? можеме ли?. ..иако квалитетот на снимката е лош, вреди да се погледне! (!и разбере како апел!)

.инспиративно од една страна (како видеото за девојчето кое за неколку минути успеа да го промени светот = извонреден говор), полемично од друга страна, затоа што отвара една таква листа на размислувања, можни одговори, варијации на суптилни конкретни факти (кои мора задолжително да се променат) и трогателно, затоа што истовремено вага две вистини една идеалистичка, утопистичка (каква што сите замислуваме) наспроти бедна, жална, очајна слика на обидите да не биде полошо од вчера..
.



.
:неформалното ообразование полека, но сигурно почна да ги отвара очите на општеството, можеби процесот е бавен, но сепак не можат да се негираат фактите, т.е. резултатите на групите кои се водат по новите методи и произведуваат, фабрикуваат (повторно), но, на еден послободен, попозитивен, покреативен начин нови индивидуи, ентитети кои покажуваат нови форми, апекти на анализирање на општеството и неговите систематски процеси.

Без образование ние сме во страшна и смртна опасност да почнеме да ги сваќаме образованите луѓе сериозно.

Гилбер Ким Честертон


.во првото видео ќе можете да слушнете како едно училиште се однесува слободоумно и со почит кон прогресивните идеи на младите. ова што ќе го слушнеме не е ништо повеќе од Вистината кажана на прва рака. почит за институцијата која произведува вакви кадри, образованието не е повеќе алатка на оние кои го класифицираат народот на работодавци и работници, делот од промените кои новата ера сама по себе ги носи се таквите ветришта од млади ентузијасти и активисти, силни на говор и дела, желни да стават крај на една филозофија и начин на живеење кој во годините, децениите и вековите наназад се покажа како поразително лош.

“Anti-intellectualism has been a constant thread winding its way through our political and cultural life, nurtured by the false notion that democracy means that 'my ignorance is just as good as your knowledge.'”

― Isaac Asimov

:второто видео е всушност оригиналното видео кое е споделено во првото после говорот, но сликата и квалитетот на видеото е далеку од подобра овде. зборува, всушност се надоврзува/ надополнува на обраќањето на девојчето кое успешно успеа да ги искористи микрофоните, храбро и уверено да го каже мислењето на оние кои допрва доаѓаат, младите! критичкото размислување денешното општество (барем дел од него, развиеното..) почна да го почитува и вреднува многу повеќе од порано. доколку имаш одредено мислење/ став поразличен од оној на грото популација/ народ тогаш одредени институции/ едукативни установи/ универзитети се обидуваат да ти овозможат детално истражување на твојот став, негова анализа преку конкретни кохерентни аргументи и тн.


.

.секако дека не треба да размислуваме утопистички за општеството во кое еволуираме или премногу научно-фантастично, но сепак убаво е да умееме да ја обсервираме големата слика, да се однесуваме критички и корективно со работите кои можеме да ги промениме во нашата заедница.

:новите модели на едукација покажуваат дека не секој сака да седи додека учи, не секој сака да работи во група, не секој сака да учи наутро, не секој има исти пристап кон одредна материја, објект, предмет. образованието треба да го има тој посебен однос со децата во кој ќе им се овозможи конкретно насочување кон нивните афинитети, трпеливо и педагошко однесување со овие осетливи генерации кои трпат секојдневни промени во општеството повеќе од сите претходни генерации заедно. инкорпорирањето на модерните форми на образование е единсвено решение на сегашниот застарен модел на креирање едукациони програми.

"The task of the modern educator is not to cut down jungles, but to irrigate deserts."
C. S. Lewis


:Новата борба која наскоро доаѓа во нашите простори е Јавното образование наспроти Приватното и не само во предшколската возраст и факултетското пренасочување.
денешниот систем форсира пренатрупао учење и стекнување на дипломи кои веќе не носат работно место, убаво е кога го знаеш целиот процес како затворен круг. многумина out there експериментираат, нови форми се спротитавуваат на матрицата која шкрипи, домашното школување, едукцијата со одредени приватни наставници се само дел од брановите кои рефлектираат. RSA анимацијата го има многу детално, едукативно разработено овој проблем и не само овој, погледнете го нивниот канал на youtube. тоа е тоа критичко мислење кое ете како е круцијално за минималниот прогрес кој се случува во општеството. народот полека се буди. .. и за тие што седеле во клупи, за тие што сеуште седат и за тие кои допрва (можеби) ќе седнат.

.веќе е знак на сопствена одговорност каде ќе го испратиш сопственото дете на едукација, каков начин на образование за него ќе избереш. потребата од поголемо внимание за младите е далеку од потребна, интерактивност на самите програми, учење со употреба на практични примери, конкретни работилници кои ќе служат за испитување на интелектот на една индивидуа. класичните, застарени методи на образование се добри, допринеле многу луѓе да го достигнат нивниот врв преку реализација на нивната наклонетост и интерес, секако материјата која ја пласираме во денешниов систем генерално ги опфаќа основните можеби и најважните теми кои секој треба да ги научи, пристапот е она на што треба да се обрне внимание, како и факултетската надоградба, дали треба да започне многу порано, на кој начин треба да се вгради во веќе постоечкиот модул. ..

што е тоа што е суштинско за промена која би донела позитивни и неочекувани резултати. она што е најзагатливо е тоа дека образованието треба да носи неочекувани резултати. тоа е оружјето кое е најопасно, со сегашниот систем вообичаените резултати, лабараториското производсво на просечни заспиени единки покажува дека нешто овде е труло, доколку би се променило тоа образованието повторно ќе биде силата на времето во кое живееме, едукацијата е гласникот на новото време, тоа секогаш била.

:посакувам во иднина отстапување на полињата/ сферите во кои младите ќе можат да дејствуваат со нивните идеи. верувам дека ќе допринесеме сите заедно за една поубава и поинтелигентна средина, себеодржлива, добро тло за еволуција на човечкиот род, вака чуму развој и прогрес. ако не сакаме да го гледаме распадот пред нашите очи треба ние да сме тие што сакаме минимално да допринесеме.

.. во овој контекст, со локално ноншалантен дисреспект спрема сегашниот систем би рекол: "доста за пијаните, агресивни професори по училиштата, прекратете со баналното, теоретско пренесување на zнаењето кое го поседуваме, учениците се овде да разговарате со нив. .. никако да им се заканувате, малтретирате, педофилчите и сл. (тоа ни родителите не го прават веќе)"

не, за масовното стерилно образование кое произведува бројки во системот кој еден ден може да блокира!
да, за новие прогресивни и визионерски идеи, методи и техники на неформалното образование!


p.s. не е се во образованието, би сакал овој пост да го завршам со отварање на еден уште толку важен сегмент во развојот на една личност. не би биле ништо доколку не ја користиме фантазијата, слободата на размислување и дејствување или како што стариот добар господин Ајнштајн обожаваше да каже:

Имагинацијата е поважна од едукацијата!
. ..меѓународна заштита на интелектуалната сопственост!. .. сега сите ќе знаеме подобро. голема благодарност до македонската група која најпрво започна со датотека на сите податоци кои се публикуваат во Mакедонија поврзани со 'ACTA". не знам дали дел од нивните членови го имаат сработено ова видео или се работи за некои други ентузијасти, овој бесплатен простор на интернет (засега) им го отстапувам.

:by @kihuПотру.

:досега имавме прилика да погледнеме многу видеа и текстови во кои се зборува за овој закон, авторските права. .. тужбите, па дури и затвор. што како нема да се повторувам, лично мислам дека премногу пишував за ова и информирав. сепак, 'споделувам' премногу информации, податоци кои се мои лични авторски дека... се надевам дека слободата да продолжиме со конектирањето со луѓе кои имаат слични афинитети како нашите нема да престане, содржината нема да биде лимитирана, поразот е голем доколку овој закон стапи во функција. сепак наше е правото како да се водиме со нашите авторски права, има други начини како да се корегираат недостатоците, но и далеку подобри методи, слободен софтвер, CC и тн.

не!. .. за цензура!
не!. .. за ограничување на слободата на говор!
не!. .. за комплетен надзор!
не!. .. за губење на граѓански слобода и права!
не!. .. за ограничување на интернет!



.
..е сега, како и за видеото за кое пишував пред некое време овде, македонското. .. од македонската група на поддржувачи на анонимусите, така и за ова дојдоа првите коментари дека е неверодостојно, после неколку дена дека веќе има некои промени и сл. јас ја поддржувам организацијата, мотивацијата и видливите чекори, резултати за тоа дека сепак некој активно е вклучен во следењето на целата ова глобална ситуација/ проблем за која утре во нашата држава може да чуеме дека ете веќе и таа се придружила на мнозинството и ја потпишала согланоста за имплементација на законот.


за мојот претходен текст добив коментар дека тоа било поврзано со само еден член од македонските анонимуси кој размислува како оние глобалните, но не бил дел од македонски, или од нивната fb група. .. I mean, алооо.. какви fb групи, какви квази групации и сл. се запрашав најпво дали да размислувам за ова, но, сепак индивидуалистичко- то општество наметнува други стандарди. сечие мислење е важно, лудост е да судиш! никако не би наметнувал предрасуди за одредени личности, но сепак лично сите ние на моменти треба да се запрашаме дали сакаме да помогнеме или одмогнеме на нашето опшество. дали само сакаме или нашите постапки не дефинираат како такви или онакви. не се согласувам со коментарот сепак.

не би се согласил дека анонимусите се група на хакер(чиња) кои можат да го скинат мојот блог, или да држат соборена некоја македонска/ грчка страница (whatever) скината 2 саати . .. анонимуси се индивидуи кои целат кон повисока мисија, работат со една пософистицирана агенда која е за добробитта и зачувувањето на основните стандарди за егзистенција на оваа планета.

.овде има уште едно видео за кое нема негативни коментари, едноставно дека нели е превод и нема место за мрчење, што е favorite дисциплина во македонија и пошироко. погледнете го и размислете, и не само мислете туку дејствувајте, колку повеќе луѓе се активни и информираат, толку повеќе негаторите, оние што тајно кројат лоши планови ќе разберат дека оние 99% и не се малку колку што нив им се чини и дека не се тоа само овци!



.
by Дамјан Цветков-Димитров.
.
.се надевам нема да ми се налутат авторите на сликичките кои ги искористив, направив и јас една како дополнителна мотивација за секој од Вас да го направи истото. .. и видеото истото го кажува! :)
Related Posts with Thumbnails