.мали библиотеки или како да се уништи убавината на градот

.и додека мислиме дека меѓу луѓето има и такви кои се диви, задолжително пред да ги обвиниме за нивното однесување треба да се запрашаме кои се факторите кои направиле да бидеме сведоци на таквото однесување. и директно и индиректно, во секој случај како - загрижени граѓани.

ми се допаѓа кога ќе видам некој кој е општествено одговорен и граѓански активен да сподели свој став и со тоа да покаже дека не е се така црно и дека не сите замижуваме на непријатната реалност и сликата која ни се промовира дека живееме во бедотија, без никаква морална и етичка одгворност. прочитав објава на facebook која оди вака: „Пред некој ден у Големиот парк У Струмица ја видех истата таа Куќичка на книгата или мала библиотека како со викат која беше скроз уништена и жално е шо некој се помачил и му текнало да направа нешто добро за да се едуцира народот ама сепак не можеше да допре до народот..Жално и срамно!!“

не додржав, а веднаш да искоментирам. сепак треба да се стави и по некоја објава и на блогот, не за друго, да не се заборавиме. еве го моето мислење:

не е проблем поставувањето на овие мали улични библиотеки, напротив беше извонредна идеја и проект, но за жал на истиот таков проект му беше прескокната основната, круцијална кампања со која ќе се информира народот и ќе се подигне свеста за нивно користење. жално е дека не само во струмица, туку генерално во македонија, ваквите проекти излегуваат како печурки после дожд и се единствено во фокусот на оние кои сакаат да ги уништат.

да се сетиме само колку пати имавме поставувано убави улични контејнери, кои беа палени, кршени и уништувани, колку само улични светилки биле наоѓани без светилки, колку само клупи по градот биле оставени само со бетонската основа од страна. дури и површините кои почнаа да ги разубавуваат од еколошкото друштво се мета на неколкумина вагабонти, кои да нагласам дека не се препознатливи (затоа што се стопени во текот на секојдневието со народот) и истите тие живеат како “нормални“ граѓани на општина Струмица, се додека некоја вечер, некој викенд, не се опијат и не настапи кај нив синдромот на девијатно однесување.

некој ќе каже дека општината е крива, дека таа треба континуирано да продолжи да ги обновува сите работи кои се уништуваат во градот, но јас ќе нагласам дека треба да се вратиме чекор наназад, дека најпрво треба да го едуцираме народот преку адаптирана метода, не “кампања“ како што гледаме на телевизија или во другите држави, или воопшто без никакви информации, за основнте функции и потреби, туку лесно сварлива за менталитетот на нашиот народ.

се додека е битно да се “исперат парите“, на овој или оној начин, без покажување на прст кој едните или другите, ќе имаме вакви очекувани, негативни резултати.

- уште едно мало надополнување на сликата поврзана со оваа тема е дека истите тие беа поставени на фреквентни локации во градот и тоа:

– Плоштад ,,Гоце Делчев“ – Градинка ,,Детска радост“ – ОУ,, Никола Вапцаров“ – Малиот парк – Градски парк наспроти ресторан Happiness

а сега, за жал и за волја на вистината, ниедна од нив не функционира, а голем дел од истите се претворени во простор каде може да се фрли попатен отпад. прашање е дали тие треба да се обноват, заменат со нови или целосно да се повлечат од локациите се додека народот не ја согледа вистинската потреба од нивното постоење.

0 comments

.уништувањето на зеленило никогаш не било форма на свесност!

Во период кога цела држава говори за екстремното загадување на воздухот, тие дојдоа и го УНИШТИЈА целото зеленило кое секој од нас соседите грижливо го одржуваше во последните 15 години, кога решивме да го посадиме и да си направиме од нашата улица мини зелена бајка.

Денес г-дин Балтаков (некој си дедо со 80+ години) како “единствениот“ претставник на нашата месна заедница, заедно со претставникот на „Комуналец“ Струмица, реши со нечовечки сечачка бучава да го разбуди целoто наше соседство и сите вознемирени и револтурани комшии да ги извади на улица.

Имено, во период кога цела држава говори за екстремното загадување на воздухот, тие дојдоа и го УНИШТИЈА целото зеленило кое секој од нас соседите грижливо го одржуваше во последните 15 години, кога решивме да го посадиме и да си направиме од нашата улица мини зелена бајка.

Дотичниот “нетокму старец“ кон крајот на 2014 година, се појавуваше на сите форумски сесии одржани од страна на општина Струмица каде граѓаните веќе неколку години со свое учество дискутираат за своите проблеми, но и со свои конструктивни идеи и решенија се обидуваат да ја подобрат нашата градска средина и иако додека “без усул и никакво ниво на култура за дебата“ овој дедо се “нафрлаше“ во разговорите со неговите налудничави идеи за кои со ЦЕЛАТА МОЈА ОДГОВОРНОСТ можам да потврдам дека од мнозинството граѓани беа слушнати како фарса, непотребно одземање на нашето време, а од некои богами и со тивок или гласен потсмев. Морам да кажам дека меѓу неговите тотално глупави идеи како треба да се пополнат некои дупкички низ нашето маало, како треба да се асфалтира пред неговата куќа или пред оние од кои е пратен (како навидум тоа одговорните од градот не го знаат или воопшто не интервенирале), тој даде една идеја која и јас ја поддржав. Тоа беше идеја за трасирање или асфалтирање на патот до “двата пата“, место каде пред неколку години во огромен шумски пожар загинаа неколку мои комшии, истовремено и пријатели и школски, да не спомнувам дека наместо да се пошуми таму, а и да се помисли на малите деца кои храбро се жртвуваа да го заштитат она зеленило кое останува завршија и со трајни лузни и изгореници. Во тие моменти тој никогаш не спомна дека сака да бидат сечени дрвјата во нашата “слепа“ улица, што нема никаква допирна точка со неговата, а која по некоја чудна инфраструктурна логика, иако е една од најдолгите, улицата по “поројот“ (Крушевска Република), баш околу овие неколку (наши) куќи станува “слеп завршеток“ и малку погоре повторно продолжува. Да го кажеше ГЛАСНО таму и тогаш, пред граѓаните на цела Срумица ќе застанев и ќе му се СПРОТИСТАВЕВ!

Токму тој (нашиот) слеп завршеток секогаш бил одлично и безбедно место за нас како мали да си играме без да се плашат нашите родители од автомобили, такво е и сега, а поради истата причина решивме истата и да ја “раззелениме“, така по целиот тек на оваа улица, овој наш дел е единствениот кој беше посаден и зелен, а тоа за нас освен што во лето беше сенка и прочистувач на нашите гради, беше препознатлив и уникатен појас кој не правеше горди (сепак одржувањето беше целосна наша одговорност), а освен дрвјата секој од нас пред својата порта си имаше посадено најразлични цвеќиња, розмарини, помали борчиња и сл.

Денес, на огромна жалост беа сечени седум (7) тополи кои јас и мојот татко ги носевме 100 км за да ги посадиме овде, беше пресечена една црница која исто така беше најслаткиот плод за повеќето дечиња од нашата улица и две диви маслини, кои во периодот кога цветаа ја создаваа најубавата миризба овде. Денес, од страна на пијани вработени кои под око очајно гледаа и потсвесно се согласуваа со нашиот револт (нели нема што да прават и така се најдискриминирани од сите во градот дека се “комуналци“), сето ова беше УНИШТЕНО, ДОЛЖНОСТА БЕШЕ ИЗВРШЕНА БЕЗ НИКАКВА ПРЕТХОДНА ИНФОРМАЦИЈА, а “одговорниот“ немаше коментар (што би требало да следува како негова ДОЛЖНОСТ), а старецот плашејќи се од сопствената смрт, реши да го УСМРТИ ЗЕЛЕНИОТ ЖИВОТ ВО МОЈАТА УЛИЦА! Да не спомнувам за електричните проблеми кои ги создадоа, “неколкуте“ испокинати и уништени електрични кабли кои во моментот се санираат од други служби, затоа што беше очигледно дека се работи без концепт, без стратегија и еспресно брзо за да не стане “голема“!

Иако не знам како функционира оваа месна заедница, јас сум ДЛАБОКО УБЕДЕН дека станува збор само за овој екс-ју фраер, а истата (освен за константните поделени избори, кога се собираат пред “кооперација“) нема ни просторија, ни луѓе, ниту логистика, освен можеби некоја заборавена куцачка машина “која учтиво и одговорно“ се чува во некој подрум.
ЖАЛ МИ Е ДЕКА ЗА ОВОЈ ЧИН НИКОЈ ОД НАС НЕ БЕШЕ ИНФОРМИРАН, а уште повеќе ми е жал дека ми го УБИЈА единствениот спомен од татко ми, единственото нешто кое заедно го направивме за нашата улица, а уште повеќе дека сите комшии заедно сето тоа го одржувавме. Но, не грижи се тато, доаѓа нова пролет ЈАС повторно ќе посадам нови дрвја, затоа што ова не е битка за пари, ова е битка за поздрав и почист живот, кој од денес за неколку проценти или индекси е намален!

Јас сум човек кој во моментот може оваа информација да ја проследи до неколку медиуми (нема да го направам тоа, старите велат: “по е*ње каење нема“, но пред се сум човек кој многупати во мојот живот (волонтерски) сум помогнал и ќе помагам во најразлични ЕКО акции (во Струмица, но и во светот), од чистење шприцови, дезинфекција и дезинсекција на одредени клучни места, почистување, садење, прв сум кој заедно со уште неколкумина пред две (2) години го изненадивме градот и општината со нашата герила акција за позеленување на централното градско подрачје, а исто така учествував на ист таков проект во поголеми размери со 5 такви акции во 2014 година, кога заборавени централни делови беа разубавени креативно, но и посадени со нови дрвца, а ДЕНЕС бев сведок на ова нехумано, нетолерантно однесување кое ни дојде како “гром од ведро небо“. И не, не станува збор за освежување на дрвјата (што е најчесто оправдување кога исчезнуваат зелени површини), туку станува збор за целосно соголување!

НЕ ЗА УНИШТУВАЊЕТО НА ЗЕЛЕНИЛОТО ВО МОЈАТА УЛИЦА, НЕ ЗА УНИШТУВАЊЕТО НА ЗЕЛЕНИЛОТО ВО МОЈОТ ГРАД, НЕ ЗА УНИШТУВАЊЕТО НА ЗЕЛЕНИЛОТО ВО МОЈАТА ДРЖАВА, НЕ ЗА УНИШТУВАЊЕТО НА ЗЕЛЕНИЛОТО НА МОЈАТА ПЛАНЕТА!

p.s. Ова е мој приватен (личен) профил, така уште сега се оградувам од користењето на оваа објава и нејзино манипулирање во било каква политичка конотација, а и можните дискурси кои ќе ги поведе истата, вклучувајќи ја мојата тага и револт. ЧОВЕЧНОСТ ПРЕД СЕ`!

 

0 comments