#engagemk - од дома

:Во киното Фросина вчера за случи конференцијата за социјални медиуми и активизам организирана од Радио Моф или поточно радио проектот на Младинскиот Образовен Форум. Најпрво бев разочаран дека нема да можам да бидам присутен дека се поклопува со денот кога во Струмица се случуваат карневалите, но, сепак се случи нешто кое најмалку го предвидував.

Се занимавам со активизам веќе десетина години без разлика дали станува збор за online активизам или outdoor активизам, т.е. активизам со организирање на конкретни активности поврзани со теми кои се важни за развојот на демократскиот дух на едно општество. Така и се случи првата пријатна соработка со радиоМОФ откако добив дозвола да го промовирам настанот со нивниот официјален банер на овој блог (иако нема да бидам присутен). Но, и покрај вообичаените активности кои ги имав преку ден и пријатели и гости дојдени за карневалот успеав да најдам време да проследам дел од говорниците на оваа конференција.

Станува збор за одлично искуство кое го имав(ме) сите ние вклучени на конференцијата преку twitter, facebook (и тоа непредвидливо повеќе отколку што очекував) и на самиот канал на радиоМОФ/ engage.

Иако имам претходно искуство со следење на конференции и слични event-и на овој, овој ми остави посебен впечаток затоа што некако делуваше позабавно, поинтерактивно од сите други кои барем јас сум ги следел online.

Во текот на следењето на овој настан се родија интересни дискусии за сајбер просторот, сепак е поразлично да се следи еден настан од дома, некои моменти се слушаат подобро, некои не.. она што лично го перцепираш фаќа само делумно од она што се пренесува. Off дискусиите исто така беа доста продуктивни на моменти. различноста во перцепцијата на одредени термини, односот на технологијата со корисниците и тн.

Овој настан беше извонредна прилика (за секој од Нас се надевам) да научи некои нови работи за конкретните теми кои беа презентирани. Жал ми е дека ја испуштив Тамара, имав гости од сабајле, но се надевам да го гледам видеото кога ќе биде качено online. Темата која таа ја обработува како граѓански активист и интензитетот и начинот на кој пристапува кон одредени проблеми и ранливи прашања е навистина уникатен за нашата средина до сега.

.

RT @darko156 Заклучок: не се пријавувајте за работа во Сивус. Тие ќе ве најдат #engagemk

@Trendolend прави паметен муабет на #engagemk as #always (@Potru)

RT @RadioMOF #engagemk @danijanev инфографикот - универзален јазик за разбирање и комуникација #fb

RT @zabrcanec Prezentacijava na @danijanev lici na #tedx prezentacija. Edukativno, inovativno. #engagemk

RT @ @malaovca @danijanev ne e istiot offline I online, postoi na dvete mesta simultano I neidenticno. #engagemk #mindfuck

RT @ribaro +1 RT @tanjastweets: Распеани Скопјани ги викаат сите да пеат со нив! Dream come true, wish I was there #engagemk

RT #engagemk @RadioMOF ve nosi na SHARE. naskoro povekje informacii #zakacise

да не постоеше пиратеријата македонија немаше да биде земја на информатичари #engagemk #fb (@Potru)

!анонимни нема во македонија, но затоа национализам има колку сакаш! убаво кажано @viktordano #engagemk #anonymous (@Potru)

RT @gvomk @razvigor ke ja prezentira moznosta da se priklucite na nasiot tim. Pishete ni na mk.globalvoicesonline.org #engagemk

:[off topic] кога сме кај македонскиот не се анонимуси, туку анонимни #engagemk (@Potru)

* * *

.. е сега ми остана сега уште еден твит не забележан, па ќе го постирам овде со надеж да биде одговорен :)

@RadioMOF може да ми пратите на домашна адреса стикери од #engagemk? ако Да, ќе бидам многу среќен! p.s. inBox ќе ја проследам адресата.. :)

PAINTED, ETC. - Almost Raffaello.

Од прилика ова се твитовите кои би ги оздвоил за значајни за овој настан проследени од моја страна и некоја симулација на конференцијата во мојот timeline што би се рекло сега актуелно.

Првата презентација која ја проследив беше онаа на Сивус и ќе се согласам со тоа што го има кажано Дарко. Со оглед на тоа дека им ја следам нивната работа online како и на регуларните социјални мрежи така и на професионалните, станува збор за извонреден тим кој стои позади оваа компанија и кои презентираа интересно видување на односот со посетителите, клиентите и бенефитот од сето тоа.

Трендо е човек за кој може многу да се пишува, секогаш е достоен да се слуша, неговите ставови го отсликуваат виртуелниот пазар онака како никој друг не може. Односот со публиката, начинот на пренесување на информациите е тоа што многу малку говорници во денешно време не го поседуваат за разлика од него, кој периодот иако актуелен со неговите гостувања по повеќето медиуми како телевизиски, така и виртуелни (го гледав во политико, го слушав на радиоМОФ, еве сега го гледавме на engage) никако да здосади, или да те доведе до ниво на баналност, смешнаи самата споредба.

off.net е следниот проект во кој се впушта, тука сме да го следиме.. и да учиме од него.

Дани Јанев имаше одлична презентација за инфографиците. Сега знам повеќе за суштината на инфографикот и некогаш навистина би сакал да се обидам да направам некој добар инфографик.

Виктор (@IT.com.mk) спомна интересни работи околу хактивизмот, што е тоа што те прави хактивист, можеш ли да завршиш во затвор. .. отвори и теми кои се загатливи, како анонимните, нивните дејствија и акции.

Филип (@razvigor) зборуваше за тоа како network-от кој го создаваш може да генерира информација која потоа може достојно да биде презентирана на целиот свет. За неговото искуство со cnn и артиклот за проектот 2014, начинот на ликање на одредени ставови од одредени блогери кои во тој период имаат пишувано за оваа тема, стручни анализи и сл.

Спомена и за отворената соработка и можност за волонтирање како freelance волонтер блогер/ колумнист за Global Voice на Македонски се` на се, интересна презентација за проследување.

Посебен поздрав за гостите од страна, Одлични презентации. Приликата да бидеме во тек со модерните социјални заедници на Балканот, интегрирањето во глобалните текови и можноста да слушнеме за нивните начини на работа беше уникатен. Не би издвоил ниту еден од гостите, сите зборуваа за различни теми кои се доста суптилни и би можело да се пишува со часови, а и се надевам на поактивно блогерство од моја страна кога ќе бидам активно (in person) вклучен во настанот. Со ова го надополнувам моето мислење и желба да се случи редица такви настани организирани од радиоМОФ затоа што покажаа како се организира професионално еден настан кој детално обрати тема, доста важна за секој кој се занимава со социјални медиуми и активизам во Македонија.

Честитки за организацијата и за одличниот избор на паузите, музиката, бит боксот, танцовиот перформанс, распеани скопјани и сите други кои не успеав да ги гледам!

p.s. не се согласувам со некои коментари упатени до организацијата во однос на нивниот маркетинг и информирање/ рекламата за настанот претходно. Сепак мислам дека настанот делумно си ја заврши одлично работата и таму, секогаш може и повеќе, но луѓето кои ги следат активностите на МОФ беа информирани.

Првите текстови за настанот веќе излегоа на страницата на радиоМОФ и на плусИнфо [читајте] како и видеото од говорот на Влатко Васиљ (@VlatkoVasilj) на #engagemk bit.ly/xHuRZy . Благодарност до Весна Илиевска (@vilievska) за фотографијата со мене, целиот сет може да го погледнете на нејзиниот профил на flickr, сепак му благодарам и на Филип (@razvigor) кој исто така направи неколку фотографии. :))

.во текот на следната недела од организацијата потврдија дека и видеата од другите говорници ќе бидат качени, аривидерчи, ми беше задоволство да присуствувам ~

0 comments

:социјални медиуми [школски]

.
.
.


.
:во зависност од тоа на која точка на планетата Земја живееме можеме различно да ја анализираме самата употреба на социјалните мрежи, нивната корист; бенефитот кој се добива како и негативните искуства кои со текот на годините еволуираат истовремено со се` самиот развој.

Факт е дека секојдневието наметнува и поголема употреба на дел од тие мрежи каде создаваме сакајќи или не виртуелни карактери кои еден ден ќе бидат рефлекси на на тоа што вистински сме во социјалниот живот и надвор од мрежата која ја составуваме, живееме секој ден. Тие виртуелни карактери се дел од развојот на социјалните платформи како цело, потребата од градење на идентитет кој ќе биде делумно вистински одраз на тоа што сте вие е еден од следните чекори, веќе дел од платформите бараат верифицирање на идентитетот, а и фидбекот кој се добива со самото тоа е пореален.

Пореален, или реалноста која се наметнува како следен сегмент на истражување наведува на тоа дека во зависност од возраста на корисникот зависи и начинот на кој една платформа, социјален медиум се користи. Кај помладите очигледен е фактот дека fb како алатка се користи најмногу, не би сакал да навлегувал детално во анализата на начинот на кој младите ја користат, но би ги потенцирал: забавата, запознавањето, играњето во мрежа само како мал дел од активностите кои ги привлекуваат таму. додека од друга страна поделбата на употребата на fb од страна на возрасната популација исто така доби на израз.

Самиот развој на социјалните мрежи носи и бенефит и привилегии за некои од корисниците, прогресот во развојот на pages, timeline, groups, направи корисниците со исти (common) полиња на интерес да се вмрежуваат.

Во групите сега е многу полесо да стигнеш до барана информација, преку страница да ја промовираш твојата содржина, продукт, .. а со новиот timeline и приватните профили да добијат едно поубаво визуелно доживување.
.
.

:Од друга страна, овде сеуште е twitter, која се смета за социјална алатка која во текот на годините доживеа некои минимални upgrate-и, но сепак успеа и визуелно и по квалитет да ја задржи публиката, корисниците, како и содржината. Деловниот пристап кој суптилно го наметнува twitter прави да сепак колку и тоа да е второстепен обид на рекламирање на виртуелна содржина, тоа да остане како главен двигател, мотор, или основна идеја на оваа платформа за дејствување, односно работа.
.

Секако дека како негативни ефекти кои доаѓаат напоредно и со развојот на социјалните медиуми се: преголемиот trash квантитативен резултат кој го прават премногуте форуми, web страници, бази на податоци како цело и потребно е истенчено око, или sense при изборот на она што е квалитетно и селекција која сепак не ги задоволува само твоите естетски и подковани со знаење извори.

Не би можеле длабоко да навлегуваме во истражување, но првоначално можеме да нагласиме дека секој еден медиум во текот на својот развој, доживува најразлични промени, а со тоа и директно влијае позитивно или негативно на неговите корисници, но освен fb и twitter, како највлијателни социјални платформи, би било добро да ги нагласиме и google+ како една од платформите кои допрва ќе се усовршува, tumblr, posterous, wordpress, blogger, flickr – за фотографија, soundcloud – за музика. ..има уште толку многу платформи кои секоја посебно различно влијае во социјалните медиуми како и различно што остава трага во овој network.
.
.

Но, секако за да се направи поконкретна анализа на социјалните мрежи потребно е подлабоко да се навлезе во суштината и насоките кои ќе се допрат да бидат по конкретни, на пр. Кога fb не би постоел, ограничување на времето поминато на интернет, fb vs twitter кое што нуди како копманија, начин на градење на виртуелен карактер, негативни искуства со виртуелни профили, иднината на социјалните медиуми и тн.

0 comments

:startUp - а, што тоа?!

.
.

.

.

Не ретко се запрашувам зошто некои работи кај едни успеваат, додека кај други колку и да се трудат никогаш не се совршени или воопшто не успеваат. Овде не станува збор за среќа, во организирањето најразлични настани, event-и, start Up-и постојат конкретни начини како да се постигне посакуван резултат.

.

Кога станува збор за поседување идеја и услови за почеток на реализација на истата треба да се знаат неколку основни работи како не би се дошло до негативни резултати или непосакуваното пропаѓање на истата за време на процесот на реализација. Секојдневно среќаваме најразлични брендови кои многу малку издржуваат на пазарот. секојдневно се раѓаат и умираат. Со еден таков пример се служи Ben Perr, познат social media strategist, technologist и entrepreneurship, инаку работи за познатата компанија mashable.

Тој прашува: зошто некои идеи завршуваат во deadpool (што би му дошло, пропаѓаат), додека други успеаваат да ја пленат масата?

Како што го нагласува неговото долгогодишно искуство, анализирање, обсервирање на многу startup-и тој исто така потенцира дека сепак има неколку точки кои константно стојат како едни од главните фактори за to be or not to be.. компанија, организација или whatever!

Еве го краткиот список:

• Идејата е премногу плитка, адресирана е до малку луѓе и премногу мала таргет група на пазарот;

- секогаш ќе успеете повеќе доколку повлечете реализација на идеја која ќе опфати поголема маса на луѓе, всушност кога таргет група не би била група на поединци кои имаат побарувачка за нешто што не е толку интересно за глобалниот пазар.

• Идејата не е целосно оформена;

- Многу стартување се случуваат откако основачите ќе дојдат до било каква идеја и без да размислат почнуваат да ја реализираат, без претходно да обрнат внимание на тоа како ќе ја градат и како самата идеја ќе се развива. Кои се луѓето кои ќе ја користат, кои се недостатоците? Ќе преживее ли на пазарот во борбата со конкуренцијата.. не започнувајте ништо додека не размислите и обрнете внимание на овие прашања.

• Идејата не се развива доволно брзо како што пазарот расте;
  

- Кога самата идеја и тимот се однесуваат ригидно/ ноншалантно со неа, тогаш стожерот не е доволно цврст да направи истата да опстане.

• Самата визија не е доволно амбциозна;
  

- Ова, пред сè, е она што го убива почетокот/ стартувањето. Големите идеи потекнуваат од големи визии. Радикалните промени на производот се полесни за имплементација доколку тие спаѓаат во рамките на една амбициозна визија за која основачите се подготвени да се борат.

.

За да се развие голема идеја потребни се години, не месеци!

Facebook не кошташе милијарда долари кога започна како проект на Харвард, но, стана бизнис кој кошта милијарда долари кога единствени од сите други социјални мрежи ја вградија и понудија на пазарот опцијата news feed.

Многу малку претприемачи/ entrepreneurship-и успеваат од прва. Зотоа VCS велат дека секогаш е подобро да се инвестира во 'А тимови со 'В идеи, отколку во 'В тимови со 'А идеи. Секогаш тимот 'А би се борел докрај да ја изнесе идејата на површина, до победа. ..за разлика од тимот 'В кои од прекрасна идеа ќе направат значителен пораз..

Советот до сите оние кои се' на почетокот на нивната идеја, пред самото стартување: длабоко разгледајте ја идејата и размислете најпрво. Бидете сигурни дека сте си ги поставиле потешките прашања. Поминете низ стратегијата уште еднаш и имајте храбра визија што може да го понесе Вашиот тим до финишот дури и идејата сама по себе да не е толку голема. Малку трпение пред да скокнете во процесот на градење ќе ве спаси од создавањето на продукт кој никој не го сака.

.

. ..овие ноќни лекции ми се допаѓаат, навистина е така, пазарот се зголемува, но и маркетингот се јачи. Треба навистина да умееме да прилечеме со нашите квалитети, доколку ги имаме, доколку не. ..почнуваме повторно од почеток! Мотивацијата е најважна!

..доколку ти се допаѓаат постовите слободно остави коментар, Би ми било драго да споделуваме знаење ;)

0 comments

Infographic:::светот на социјалните медиуми во 2о11

.
.
.
.
Социјалните медиуми стануваат се популарни за разлика од минатите година. За оваа година некои истражувачки агенции почнаа да ги презентират нивните статистики за употребата на овие платформи секојдневно.

Брјот на корисници на социјалните медиуми/ мрежи е' во пораст и тоа е факт, која е иднината на овие мреже се уште е дискутабилно да се дискутира. Пред некој ден видов прашање на g+ каде ги гледаме социјалните медиуми после 10 години. Едноставно, иако се рабoтеше на профил на позната ѕверка од twitter сферата, на g+ заинтересираноста за неговата работа и не е така голема, па се одлучив да го кажам моето мислење.

Тешко е да се обедиме да се проектираме во иднината така лесно, за тоа што во подем е развојот на модерните технологии, доволно е да се завртиме назад во последните 10 години и да го анализираме нивниот прогрес. Би можеле да играме на варијации за развојот до следниве неколку години, но никако толку далеку. ..или како би одело во оригиналната форма залепена на неговиот ѕид "u don't think is to much visionary this question?! 10 years is a lot of time dude, when u can see how far d social media develop in d last 10 years!

for me in a couple of years, nobody will use the PC, the ipad will be more childish tool and d notebook is d engine with d cosmic configuration. this smart phones, apps etc will be joke for new era kids :D "

Социјалните медиуми секојдневно се натпреваруваат, кој повеќе корисници ќе привлече, кој каква понуда ќе приложи на пазарот, квалитетот на платформата од технички аспект е исто така мотивација за developer-ите да истражуваат и да напредуваат. ..

. ..во видеото во продолжение ќе видиме сумирање на социјалните медиуми и нивната активност во изминатава 2011 година. Бројките секогаш ќе бидат прашање, дали се точни или не, сепак се работи за истражување од широк размер, би требало да ги занемариме минималните разлики помеѓу инфографиците кои излегуваат секојдневно, сума сумарум според споделувањето на оваа информација денес, станува збор за солиден извештај и одлично ретроспективно истражување за 2011 година.





Доколку сакате и сте заинтересирани да видите подетален и посуштински видео инфографик кој ја истражува истата тема би Ви препорачал да го погледнете и ова Social Media Revolution video, изработено од Erik Qualman [ Socialnomics ] кое далеку подобро ја отсликуваат оваа тема, но, сепак статистиките се од поголема значајност за територијата на континнентот отаде барата.





via digitalbuzzblog

1 comments

:mass-media манипулација во 10 точки

.
.
.
.
Оддамна сакав да сретнам текст, есеј или посоки срочени во краток формат од господинот Чомски кои би можел да ги преведам и за мое лично задоволство постирам на мојот блог. Noam Chomsky, лингвист по професија е еден од најмаркантните модерни филозофи, теоретичари и аналитичари на денешново живеење и еволуцијата на општеството. Интелектуалец кој има изградено цврст пристап кон тековите во речиси сите сфери на егзистенција, како здравјето, образованието, науката, политиката, медиумите и тн.

Најпрепознатлив во светот е по критичките осврти на mass-media-та или медиумите за широките граѓански маси, на кои посветува повеќе од половина од неговите експертизи. Гласно стои против модерните кооперации, кои промовираат капитализам, конзумеризам и политичка моќ врз другите касти/ слоеви од општеството.

Би можел да пишувам многу за неговиот анархо-соц-синдикатски дух, но, за почеток на неговата приказна во мојот блог ова беше доволно за вовед. Доколку сакате да знаете повеќе за него, повеле ле неговата страница, и да, доколку веќе читате немојте да читате за него, читајте ги работите кои тој ги кажува!

:U are d change that u want to see in d world! .. немам појма зошто ми дојде ова :D

1. пренасочување на ГРИЖАта


Пренасочување на вниманието на јавноста од важните кон неважни проблеми/ прашања. Поплавување на јавноста со ирелевантни информации за луѓето да не размислуваат и да не се здобијат со основни познавања и разбирање на светот.



2. создавање на проблеми


Овој метод уште се нарекува "проблем-реакција-решение". Треба да се креира проблем, како јавноста би реагирала на него. пример: да се произведе и пренесе насилство со намера јавноста полесно да го прифати ограничувањето на слободата, економската криза или за да се оправда уништување на државата.



3. постепена промена


Како би се ​​согласила јавноста со некои неприфатливи промени, воведуваат метод на постепено качување на "лажичката" кое трае со месеци и години. Промените, кои можат да предизвикаат отпор кога би биле спроведени брзо и во кус временски период би креирале слаба политика/ политика на мали нозе. Светот вака се менува, па со текот на времето луѓето не можат да бидат свесни за промените.



4. одложување


Друг начин да се подготви јавноста за непопуларни промени е да бидат објавени многу порано, однапред. Луѓето не ја чувствуваат така одеднаш тежината на промените, затоа што претходно се навикнуваат на самата идеја за промени. Освен тоа, "заедничката надеж за подобра иднина", прави ова уште полесно да се прифати.



5. користење детски јазик


Кога на возрасни им се обраќате како на деца се постигнуваат два корисни ефекта: јавноста ја потиснува својата критичка свест и пораката има помоќен ефект врз луѓето. Овој сугестивен механизам често се користи и во рекламирањето.



6. будење на емоциите


Злоупотребата на емоциите е класична техника која се користи за предизвикување краток спој во моменти кога разумно се расудува. Критичката свест ги заменува емоционалните импулси (лутина, страв, итн.) Употребата на емоциите се користи за да се пристапи кон несвесното како би можело подоцна на тоа ниво да се инсталираат идеи, желби, грижи, страв или принуда, или пак да се предизвика одредено однесување.



7. незнаење


На посиромашните класи треба да им биде оневозможен пристапот до разбирањето на механизмите за манипулација со нивна согласност. Квалитетот на образованието на нискиот слој во општеството би требало да биде слаб или под просек, за да јазот меѓу образованието на повисоки и пониски слоеви остана невозможен за премостување.



8. величење и славење на глупости


Јавноста треба да се охрабрува да ја прифати просечноста. Неопходно е да се убедат луѓето дека е (IN, во мода), подобро да се биде глуп, вулгарен и неписмен. Во исто време треба да создадете отпор/ незаинтересираност кон културата и науката.



9. создавање чувство на вина


Треба да се убеди секој поединец дека исклучиво тој е одговорен за сопствената несреќа, поради недоволното знаења кое го поседуваат, ограничените способности или недостаток на труд/ напор. Такви несигурни и потценети поединци, оптоварени со вина, се откажуваат од потрагата на причините за неговата позиција во општеството и револтот против економскиот систем.



10. злоупотреба на знаењето


Брзиот развој на науката во последните 50 години создава зголемен јаз помеѓу знаење кое го поседува масата и оние кои го поседуваат и користат, владеачката елита. "Системот", благодарејќи и на биологијата, неуробиологијата и практичната психологија имаат пристап до напредни информации/ знаење за човекот и на физичко и на психичко ниво.

:овие стратешки точки најпрво ги сподели некој на twitter, не би можел да кажам кој го сподели линкот. Денес го видов на facebook, исто не знам кој го сподели. ..но, сепак го знам изворот од каде тие дошле до него ~

!this is d reality of our media!

:драги мои, време е' да се разбудиме од овој долг сон и да разбереме дека вредиме повеќе од тоа како општеството не третира и почитта кон самите себе треба да биде многу поголема од таа што ја пружиме на нашите работодавачи, владетели, диктатори, императори. ..да, да, тој е редоследот. Демократијата е само искривена слика на една пирамида во која некои се осудени секогаш да бидат најдолу. Биле осудени да бидат најдолу, но, можеме да го промениме тоа, ако почнеме да се променуваме самите себе. Помалку телевизија, помалку реклами, помалку весници и вести. Сепак мислам дека имам доволно свесни читатели кои знаат дека таа е таа искривена слика за која г-динот Чомски во последните 50-тина години збори. Ништо не е променето на подобро, можеби времето за промени е сега! [баталете таа вмро-вската реклама] ова е нешто друго!


“Кога медиумите ќе почнат да зборуваат за сексуалните животи на политичарит, ставете ја раката во својот џеб и запрашајте се: кој ви ги вади парите од новчаникот?”

Noam Chomsky

.

0 comments

.7 совети од sir Seth Godin

.
.
.
.
.веќе извесно време го немав посетено блогот на Seth Godin познат автор, блогер, entrepreneur .. кој е доста важен во глобалната social media заедница, со тоа што остава трага секојдневно со најразлични анализи, мислења, постови за одредени теми од областите блиски на модерното општество и современиот начин на живеење. во овој пост направил селекција на дел од неговите постови објавувани периодично на неговиот блог. преводое слободен, а темите кои ги избрав се блиски првично на мојот интерес и сакав да ги имам како содржина на мојот блог. се надевам некој од овие совети директно ќе ви послужи во иднина и ќе имате конкретен ефект од сознанието кое Seth го дава со неговите образложенија.




инаку тој обработува најразлични термини во поновата информатичка историја, дава професионална насока кон усовршувањето на работата со новите медиуми како и подобрување на личната виртуелна презентација како индивидуална така и професионална.

еден од врвните social media guru-а на денешнината отворен на повеќето социјални мрежи за дискусија и учење на нови работи.. прогласен во Америка како 'најдобриот американски маркетинг агент'.

досега има напишано 13 книги и е преведен на триесетина јазици. повеќето од неговите наслови се bestseller-и, а пишува за пост-индустриската револуција, начинот на создавање и ширење на идеи, маркетинг, лидерство или како цело промена во сите нивоа и области :)




разликата помеѓу менаџментот и лидерството

Менаџерите работат на тоа да направат своите вработени да го работат истото што го работеа и вчера, но малку побрзо и малку поевтино.
Лидерите, од друга страна, знаат каде би сакале да одат, но, разбираат дека тие не можат да стигнат таму без нивните поддржувачи или без да им се дадат потребните алатки на тие што водат за да се направи нешто да се случи.
Менаџери сакаат власт. Лидерите ја превземаат одговорноста.
Ни требаат и двете. Но, мораме да бидеме внимателни да не ги помешаме. И тоа ни помага да запаметиме дека лидерите се ретки и на тој начин повеќе вредни.



трошењето време не е загуба

Всушност, губењето време е клучен момент во нашите животи.
Да го трошиш времето на лош начин е грев, бидејќи не само што ја намалуваш продуктивноста, великодушноста и уметноста кои доаѓаат со работата, ти исто така се откажуваш од прекините, експериментирањето и радоста што доаѓаат со губењето на времето.
Ако решите да го трошете времето (а, се надевам дека ќе го направите тоа) најмалку што можете да направите е, 'направете го тоа добро'.



за атомскиoт метод на создавање PowerPoint презентација

обичен човек зборува од 10 до 12 реченици во една минута.
Атомска метод бара од Вас да креирате слајд за секоја реченица. За пет минути разговор, тоа е 50 слајдови.
Секој слајд мора да имаат или еден збор, една слика или една идеја.
Направете ги сите 50 слајдови. Форсирај се себеси да го разглобиш секој концепт во најмали можна атоми/ единки. Ако тоа не е достојно за слајд, не го кажувајте.
Откако имате 50 слајдови, испробајте го говорот во пракса. Отстрани ги слајдовите и реченици кои не додаваат никаква вредност или не Ве движат напред во презнтацијата на темата.
Сега (и само сега), почнете консолидирање на слајдови. Ако две или три или четири слајдови функционираат заедно како еден, продолжи понатаму и направи еден од нив. Сега имаш молекули не, атоми.
Во овој момент можете да се ослободите од сите слајдови, да ги чуваат како што се или да ги разгледате уште еднаш и да ги развиете в уште поголеми идеи. Но, немојте (!) листи, ве молам. губење на време, досадни се.

повеќе ќе најдете тука: Really Bad Powerpoint





што да правам следно?

Ова е најважната одлука во Вашата кариера (или во вашиот ден).
Порано не беше така. Што е следно вообичаено беше прашање одговорено од вашиот шеф или вашите клиенти.
Со толку многу можности и толку многу ограничувања, успешниот озбор за тоа што да работите следно е вашиот момент на најголема поддршка. Заслужува повеќе време и внимание отколку што повеќето луѓе си дозволуваат.
Ако не сте подготвени да се соочите со бездноста при избор, сигурно нема да поминете доволно време играјќи/ танцувајќи со вашите можности.



ископај си дупка

Направи големи ветувања.
Изгорете ги вашите очекувања.
Поставете се во место каде што има неколку опции и влоговите се високи.
Фокусираната енергија и сериозните намери ќе Ви помогнат да дадете се од себе и да го направите најдоброто што умеете. Немаш кај да трчаш/ бегаш, ниту кај да се криеш.

(Подобро од алтернативната опција).



зошто да чекате?

Кој се грижи поради кого е ова?

Ако сте во критична фаза, ако некој од Вас чека да придонесетес со нешто, испраќајте го веднаш, партиципирајте, вклучете се..
Имаме рокови [deadlines] со причина, но клучен збор е "краен". Всушност, вие не мора да чекате до крајниот рок или близу до него, особено ако сакате да ги забрзате работите.
Премногу често се пронаоѓаме себеси си како го користиме крајниот рок како изговор или како лост со кој сакаме да го надминеме нашиот страв. Ако се потпирате и надевате да се буткате самиот себе на испуштени крајни датуми, проектот ќе плати одредена цена.. (ќе изгуби на квалитет и сл)
Пристрасност е да се бави завршувањето на обврските, бидејќи во спротивно шефот само ќе ви даде уште повеќе работа да завршите. Дали сте уште се заглавени во нашата / нивната дихотомија на фабричка работа?
Сите други работи се еднакви, побрзото победува.

p.s. предизвикот во тоа да се биде иницијатор на проекти е дека никогаш, никогаш не е се направено.




помалку или повеќе

Или можете да барате да добиете повеќе од вашата можност (работа, технологија, интеракција, лице, момент), . ..или помалку.
Повеќе изложеност, повеќе ризик, повеќе горе-долу, повеќе работа, повеќе учење, повеќе ангажман, повеќе страст, повеќе шанси да се обвинувате за направени грешки, повеќе можност да се направи разлика, повеќе напори . ..
или помалку.

1oq Seth!

0 comments

За видеото _My Social Network

.
.
.
.
Пријатно се изненадив утринава кога на news feed на мојот facebook профил видов ново видео од @ribaro. Не знам колку вам што во моментов го читате ова ви се познати видеата или влог постовите на Јане Ribaro Ѓорѓиоски, но тој е еден од првите ако не и прв кој се обидува на еден гротескен начин да ја презентира реалната ситуација во државава преку призмата од се' она што секојдневно тој козумира од друштвените платформи или социјалните медиуми.

Неговиот наивен пристап во финалната порака е уникатен. Никогаш не сум пишувал за него, па би сакал да споменам дека пораките му се инспирирачки, револуционерни (на некој начин), допираат до абсурдот во нашата маргинализирана заедница. Интересен лик, за кого методот, начинот, алатките (продукцијата) кои ги користи не се толку важни како она што неговиот креативен потенцијал има да каже. Се на се' дечко без влакна на јзикот.

Ова што денес го видов од него е малку поразлично од оние влогови што ги има направено претходно. Овде се концентрира на социјалните медиуми како хаос, во кој неговите потези поставуваат ред во неговиот виртуалeн свет и даваат насока/ правец на едно приемање на најразлични видови информација и обид за креирање на едно „цело“ од сите тие мали навидум незначајни кодови, зборови, сигнали..

за ова видео самиот Тој вели:

„Можеби ова не се случајно избрани статуси од Фејсбук, слики, твитови… но секако имаше материјал за уште 5 пати по толку клипови… Ако некој мисли дека му е нарушена приватноста, нека пиши слободно, во наредното видео ќе го нема :)“.

исто споменува кај него - "А зошто да не си направиш и ти “My Social Network”, мислам онака, како meme?"

интересно за ова видео (освен што ме има мене како дел од него) е тоа што според IT.com.mk видеото доаѓа во момент кога информациите во него се поклопуваат со најновите статистики дека скоро пола Македонија е на друштвените мрежи, т.е. Facebook, па можеби е прав момент да се отслика македонската друштвена интернет заедница.

Фала Јане што избра да бидам и јас дел од ова видео. :)





p.s. Фотографијата која ја има во видеото е дел од еден интернационален младински фестивал во Бугарија, Софија. Покажувам македонско оро на неколкумина заинтересирани млади од неколку држави од Европа. Сликата е направена пред народниот театар Иван Вазов.

@ribaro [at] facebook | twitter | page | youtube

текст од @itcommk за видеото
интервју со @ribaro

0 comments