:deal oriented гротеска од држава [оригиналот да го снема]

.ние мора да се ориентираме кон зделките, ние мораме да се насочиме кон оние чии пари може да ги измолзиме - ние мора и да го прескокнеме законот ако сакаме да ги „исцедиме“ инвеститорите до последна капка.

нам, драги пријатели, ни требаат нови концепти на водење на нашата држава. нам, граѓаните ни е преку главата од „играчи“. ние не се „возбудуваме“ и „палиме“ на луѓе кои имаат јахти полни женски, нашата држава не е сценарио за порнич. каква е оваа реторика на цинизам против некој кој исплашено „сака да ги следи законите“, за на крај повторно да си легне на брашното и да „се корегира“, односно да ја заигра „играта на злото“, предводена од дикпаторчето.

оваа влада отиде во неповрат, прашање на време е колку денови се потребни за гласно и јавно да слушнеме од „лидерот“ дека оваа негова стратегија за водење на држава била целосно погрешна и она што го слушаме во бомбите за жал е навистина така. треба сите да кажеме дека ова е крајот на неговата бизнис фамилијарна држава, deal oriented, корумпирана од глава до петици. СЛОБОДИШТЕ не е само начин на размислување, ова е и` новиот начин на дејствување!

„#‎Ж‬ му вели на Миле дека му е страв и дека ни еден проект не им тргнува како на Влада. И вели дека нешто мора да е и до нив, не било се до другите. Историско признание.“

.луѓето гинат бесцелно за материјалната придобивка на узурпаторите. анатомија на друштвениот морал. урината никогаш нема да мириса на парфем. паланката не е локалитет, туку „жабокречина“ на популитетот. паланката не ни е дадена од бога, таа е избор. на скулптурата не и е потребно постолје за да биде монументална.

- национализмот го менува влакното, но не и својот нарав. нам ни се случува панаѓур на лагите и кичот. национализмот е ништо кое ништи и уништува - најлошата друштвена болест. културата не е само за елитата и лагите не смеат да бидат легални. лукавството е интелигенцијата на глупавите. не смееме да живееме на сметка на идните генерации. потребна ни е радикална културна еманципација за да се стави крај на безумието. апстрактното размислување е важно за да не се измислува минатото.

животот во македонија е брехтова претстава, тој ги изговара вистинските прашања во форма на афоризам и/ или сарказам. културата е клучна за нашите решенија, за слободата и паѓањето на режимот.

(од гостувањето на Златко Паковиќ на кампот „Слободиште“)

протестот е извонредна манифестација на новите култури.

„еден ден ќе ги соберам сите знамиња кои залудно се веат и ќе ги ставам во перачка машина. на сите им треба перење и тоа - заедно. со ист прашок за перење и ист омекнувач. оти тоа би требало да биде новата слобода! тоа би требало да биде државата која се раѓа внатре пустошот на оваа држава. тоа би требало да бидат нашите борби и желба поголеми од сите знамиња.“

Поединецот стана посвесен за својата зависност од општеството од било кога порано. Но, тој оваа зависност не ја доживува како позитивна работа, како органска врска, како заштитна сила, туку како закана за своите природни права, па дури и за својата економска егзистенција. Дури, неговата положба во општеството е таква што егоистичните нагони се постојано потенцирани, додека социјалните нагони, кои се природно послаби, прогресивно се уназадуваат. Сите човечки суштества, без оглед на општествената позиција, страдаат од овој процес на уназадување. Без да бидат свесни за тоа дека се заложници на сопствениот егоизам, тие се чувствуваат несигурни, осамени, и лишени од наивните, едноставни и несофистицирани задоволства на животот. Човекот може да ја најде смислата на животот, краток и опасен каков што е, само преку своето посветување на општеството.

Алберт Ајнштајн („Зошто социјализам?“)

 

 - и сега повторно ќе ја видиме групата на релативизатори. тоа е синдром на луѓе кои не можат да се препознаат во големата слика и немаат никаква идеја за акција. да престанеме да гледаме во минатото, да се посветиме на сегашноста, за да направиме подобра иднина! никој овде не говори за смена на „ѓаволите“ (помал со поголем или било каква слична паралела), иако тоа постојано се инсинуира. некој овде сака да ја игнорира вистината, едните затоа што така им е подобро, другите оти сакаат да „неутрализираат“ и генерализираат кога и каде стигнат!

 
 
после пак некој ќе каже: па и таму, пред влада се само „партиски војничиња“, но меѓу луѓето кои кампуваат пред влада има и многу луѓе кои не припаѓаат на ниту една партија, но чувствуваат огромна одговорност за состојбата и нејзина промена. под итно треба да престанеме да говориме веќе за бараби, време е да почнеме да зборуваме за нови луѓе кои можеби после 25 години тапкање во место ќе предложат поинаква стратегија од досегашниве и така ќе помогнат за сите во државата. 

„не може да се продолжи со фрлање на анатема на сите партиски неопределени кои препознаа во оваа власт само криминал, нечовечност и желба за „одмазда“.“ 

...ако конструирањето на иднината и давањето конечни решенија за сите времиња не е наша работа, тогаш уште појасно е што треба да направиме во сегашноста: мислам на безобѕирна критика на сé постоечко, безобѕирна во таа смисла, што критиката нема да се плаши од своите резултати и исто толку малку ќе се плаши од судирот со постоечките сили

Карл Маркс (1843)

  

- залоеноста во партискиот концепт е најлошата перцепција која може еден човек да ја има, треба да се размислува надвор од кутијата (пропагандата), треба да се отвори прозорецот - надвор има нов воздух и се повеќе мириса на слобода!

не, добри луѓе, за жал овде нема подобра плата, нови вработувања, субвенции, повисоки пензии, овде нема странски инвестииции, овде има страшни „општествени крадења“ со deal oriented партнерите од криминалните кругови.  

тие [ветувањата] се само една илузија која некој мисли дека се случува избегнувајќи да се соочи со вистината која боли и е сурова и далеку од утопистичка слика за подобро, онаа со „големиот квалитетет сладолед“ на жалниот чичко кој требаше на стари години да спие во контра-кампот за да може после цел живот да го вкуси. 

почнувам да ги сожалувам сите оние што на маката на другите, послушнички се потпишуваат, агитираат по слободни минувачи, кампуваат несвесно и поданички со мисла дека бранат демократија, а застанале на страната на токму спротивното, јадат дневници на сметка на гладот на населението кое уште не е вработено, на сметка на студентите кои немаат нормални студентски услови за живот, ниту пак образование, на сметка на земјоделците и нивните продукти кои пропаѓаат, се фрлат на улици или се продаваат на откуп за ситни пари, секако и на дебелите суми истрошени за патиштата кои се распукуваат после само неколку месеци, и трошок на фактурите кои се платени како да се мермери и бетони, а народот гледа гипс картони и стиропори.

ние сме сведоци на најлошиот дел од модерната македонска историја и некои луѓе кои имаат бенефит од тоа гордо и одлучно го поддржуваат тоа. се гледа како никогаш досега на виделина дека „долга е раката на вмро“ и на многумина им се видела слатка.

:и пак 2006, пак 94, 98... и тоа како аргументи од најстрашниот суд - алоо, 2015 е и во моментот имаме повеќе криминал од сите години собрани заедно. да ја оставиме таа лоша проекција (симулакрум) која ги наметнува земјоделците, ромите, невработените, луѓето од маргиналните групи како второкласен народ во државата. да ги фрлиме менталните опинци и да си подадеме рака за заедно да градиме подобро општество и иднина!

„млатењето слама и заменувањето на тези е најдобра и најпозна алатка!“

ужасно е во моментот некој да се декларира како „поддржувач на власта“, на оваа гарнитура на дпмне, на овие криминогени профили на владетели, на овие структури на политички монструми. јас имам сосема дијаметрално спротивни ставови од таквите луѓе, јас се активирам како слободен граѓанин и чекам да заврши оваа криминалистичка кариера на украдената власт со помош на лажирани и режирани избори.

Во модерната култура несвесната здодевност има огромни димензии, а популарноста на радиото, телевизијата и другите слични средства за потрошувачка произлегува од тоа што луѓето се лишени од автентично искуство. Во нашето општество ние сме индоктринирани да мислиме дека е сосема недолично да се биде незаинтересиран, односно дека тоа е знак за неуспех; „успешниот“ човек се интересира за нешто. Поради тоа чувството на здодевност мораме да го замениме со чувство на возбуденост, иако фактички оваа возбуденост често не е ништо друго освен мисла предизвикана од индоктринацијата според која некои ситуации или личности треба да се доживеат како возбудливи.

Ерих Фром

треба да бидиме своеглави, да размислуваме без никакво влијание, така ќе можеме да ги погледнеме сите проблеми, а и да понудиме можни решенија на истите. народот се буди, се надевам дека наскоро што повеќе ќе застанат на линијата на граѓаните (без партии, книшки и притисоци) и ќе кажат ОВА НЕ ЧИНИ - без разлика кој е виновникот.

0 comments

.денови на (пред)времено „камперско лудило“

:бурни денови живее Македонија – jump around викаат едните, додека другите викаат „уважавам твојте македонијо - сиромашни, гладни луѓе и весели митинзи!

порака: kihuPotru; design: Володимѣръ Свѧтославичь

.се судруваат различните светогледи, народот како евтин градежен материјал или зеленчук за извоз се вози до главниот град на државата. а кога, ако не` на митинг тие би можеле да го видат Скопје со сета негова „убавина“. владата се фали со пелените кои почнала да ги дава бесплатно за старите лица.

:мирните протести се дел од демократските општества, па ние како едно од најдобрите, општество пар – екселанс си имаме протести, контра-протести речиси секој ден.

луѓето бесплатно се „забавуваат“, кампуваат. се живее off road, вонредно, без план за следната недела, се` е од денес за утре.

кај едните разочарување, кај другите партиско душевно исполнување, еутаназија на разумот. бајките на Медрано станаа реалност, и тоа без панорамско тркало. се пребројуваме по улиците оти никој не е сигурен дека е доволно силен да го наполни стадиунот, односно чинијата на своето гласачко тело со супа или чорба, но сочна, со „мрвки“. сите буткаат агенди како млечните ресторани во кои се продаваат сирењаци со урда и тоа троа помалку, само некаде по средината, по некое зрно...

#ПоздравПленумци

- а народот верно следи, куражи, поддржува – кој што мисли дека е фино. првите ѓаволот со два рога, другите демек ѓаволот со еден рог, а следните оној без рогови - без да помислиме дека сепак треба да избираме ѓаволи. има ли нешто благодарничко во професијата политичар? земи од народот, за да си ставиш во сопствената приватна каса. барем така гласи и важи општонародната, онаа капиталистичка, „масонска“, „илуминатска“ дефиниција.

многумина ветуваат колку умеат да дадат, а ретко кој реално размислил дали навистина може тоа да го даде. јавни, гласноговорни сопственици на „аладиновата ламба“ – би исполниле се`, само да им се дадат златните пет минути. а ги живеат, еве, веќе со години, додека никој не видел ништо, освен малкумината кои се тетерават по Малдивите, Монте Карло, Кариби итн., како тоа да е Дојран и секој ден да е 1ви мај.

.што е поважно? сендвичот со пластично шише вода или претходно наполнетиот автобус со алкохол? СПЛОТУВАЊЕТО ПРОТИВ ПАРТИСКИТЕ ТИРАНИ, ДРАГИ МОИ, НО КОЈ ДА РАЗБЕРЕ?!?

:овие од власта се пофини, со полни автобуси алкохол тргнуваат кон големите контрапротести. иако и тие сами не знаат зошто тоа го прават, но пак тоа е сосем нормално, никој трезен ова не го поднесува. затоа им е „кафезот“, онаа јадна, `рѓосана ограда со која го ограничуваат движењето на своите марионети за да ја добијат посакуваната фотографија за facebook, за да кажат дека им е поголем... колективот за нови избори. .

контра-камп бре човече! „неко меџу нама није нормалан“. „љуби ве“ цивилизацијата населена во деветиот круг на инката на Данте. да не бевте глупи, ќе бевте смешни. а девет години нешто демек се чекаа вашите 100 чекори за развој, за на крајот да се копира револтот на тие што не видоа ништо во вас освен тортијади, празијади. .. гомнојади!

:фијаско сте - go home you're drunk! but this time really!

.колку неинвентивно, денес можеме да видиме ‪#‎контракамп‬ и во Струмица пред собрание. пред собранието на општината која е една од најдобрите и најуспешните во државата. тоа се факти, а причина дека сме добри е тоа што другите општини се корумпирани и (рако)водени од лопови! тодорoff пред си даде оставка задолжително да напише упут за психијатрија за ‪#‎Ж‬ и неговата „некукавичка партиска фамилија“.

каква „без везе“ слика правиме за европа и светот. па, малите деца кога не ги играат другарчињата се повлекуваат по дома, овие никако да разберат дека со нивната стратегија за „владеење“ дополнително се закопуваат, што е полошо и нас не закопуваат! грујо - државата не е твоја, оди си, доста е!

- животот не е „оптичка варка“, ти „ДРАГА ВЛАДО“ не си хармс и ова веќе не е забавно!

.не секогаш бројноста дава поголем (интелектуален) капацитет, како беше таа: „колку сме, толку сме - токму сме!“ или пак од друга страна, пример: една крава дава повеќе млеко од три овци... или што знам. деновиве си играм животинска фарма оти и Орвел би си пукнал од смеење, како кловновите кога им е мака, па за да ја прикрие тагата само би кажал „не грижи се ти човечуле, има уште надеж за тебе“. ние, место да патуваме како нормални луѓе, место пред тоа да заработуваме како нормални луѓе, место да одимена концерти и` да си се собираме за арно - за убаво, сите на едно, без разлика на нашата партиска припадност, ние - најдобри ги прогласивме за најдобри музичари во Македонија политичарите. ..

.пред Вистината и Боговите молчат, а пред стравот послушниците и платеници на диктаторот!

 .со украден дизајн од ‪#‎протестирам‬ си избуткаа еден од најголемите оксиморонски контрапротести во историјата и тоа не само на Македонија. се друго е небитно. толку од инвентивноста, креативноста, идеите и иднината. впрочем и сечењето на семафор (режимски вандализам) и затварањето на толпата во кафез доволно говори за нивниот љубезен пристап кон членовите и државата. уште и по еден камшик како сувенир да си добијат, за да знаат од утре што ги чека ако некој (не)случајно почне да се разбудува.

:се случува етикетирање во нашата држава, или си на црвениот или си на синиот воз, иако не смееме само така да ги перцепираме работите, посебно ако гледаме историски, дека и двата воза во одредено време заглавиле во место.

 сепак, има и огромен број на независни, слободни граѓани кои си ги поставуваат прашањата како: „what’s next after this“, „who's d dj now? “, дали е сево ова потребно, кој ќе добие од ова (нај)многу? но, има и такви кои без страв застануваат и „немаат гајле“ дали ќе бидат обележани од провладините медиуми како сини, соросоиди и сл. и други кои пак гордо велат јас сум ВМРОВЕЦ, ЈАС СУМ МАКЕДОНЕЦ, како другите да не се?!

- а колку се само потребни нови концепти, оти државата се наоѓа во доста комплексна ситуација, од која ако продолжиме така наскоро нема да излеземе!

:не е лесно за никого, посебно во еден ваков период кога до екстремност се држат сложените проблеми, се заменуваат со кругови, а народот за прв пат застанува по средината и искрено го бара балансот и излегувањето на прав пат од оваа криза. знаете, нови крајности, посебно лоши сценарија никој не посакува - н и к а к о !

by: Александар Ковачевски

!потребно е сериозно лоцирање (по не знам кој пат) на проблемите и малигните двигатели на сегашнава криза, и чиста, јасна понуда и соодветен третман според интелектуалните капацитети на сите граѓани, оти така идеите би излегле од граѓаните и би биле директно за нив наменети. сите ние во оваа држава можеме да помогнеме за излегување од овој ќорсокак.

искрено, допрва ќе се поставуваат уште многу прашања и ќе се бараат уште повеќе одговори, но потребно е обединување на народот, но не по партиски списоци и основа, туку по онаа која е за секој од нас поединечна визија за иднината.

:ја живееме (белким) последната „Маледонска меланхолична револуција“...

 јас пример сакам преодна (експертска) влада која ќе потрае троа повеќе за да се изладат партиските фори на дејствување кои не вродуваат со никакви решенија, па после сакам пописи, ослободување на јавниот сервис од еднобојно емитување на платена партиска програма, стабилизирање на најважните институции (чистење на партиските вработени кои немаат соодветно образование), враќање на стандардите во сите сектори, доста ни е од криминали, мито, корупција, „на ти го - дај ми го“... е дури после сето тоа сакам нережирани, односно фер, демократски избори. и така. мислам дека после целиот овој процес ќе имаме солидни кандидати кои секако по стандардниот процес би ги изгласале и би им дозволиле да раководат со најважните политички функции во државата.

а се додека гледаме слободни граѓани, непартиски, сплотени за нова власт верувам дека нашиот следен чекор како нација ќе биде успешен.

- потребно ни е да размислуваме од аспект на граѓани кои (си) го посакуваат најдоброто за себе и своите најблиски... доста ни е од препукувања поттикнати од гневот и омразата кои секојдневно стануваат се поголеми. доста ни е од тоа да си ја газиме сопствената иднина, доста е од било какво политичко харикири кога како држава уште на млеко мирисаме.

.nothing is made that perfect, that couldn't be done better. changes are for fearless people, u know? 

0 comments

Слободниот граѓанин заслужува многу повеќе од ова

зошто на слободниот граѓанин му е преку глава од оваа состојба, од овие сценарија, оваа власт in general?!?

:доаѓаат тешки денови. доаѓаат тешки денови и за едните и за другите. за едните затоа што треба да застанат пред своите родители, браќа, сестри, роднини и пријатели како чисти, свесни и храбри граѓани на оваа држава, а за другите затоа што иако добро знаат дека се дел од список, дека им е извршена психичка тортура и заплашување, мораат да го следат диктаторот – оти во следниве денови нема бегање, ниту за нив, ниту за нивните најблиски.

овие денови ќе бидат тешки затоа што ќе се слушаат закани упатени и кон едните и кон другите, но и кон третите, оние неутралните. едните ќе бидат провикувани со најразлични навредливи имиња, етикети, бедно класифицирање и омаловажување, додека другите ќе бидат преплашени доколку радарот во понеделник не ги види пред автобусот со кој ќе треб да лажираат слобода, обединување, „братство и единство“ по не знам кој пат, но за жал пред излегување во огледало ќе си кажат – што ми требаше да ја земам оваа книшка!

„пукај бе братучед“ порано беше метафора - алоооо! сега, после само кратко време тоа и не е толку сигурно. се закануваат со снајперисти, со гумени куршуми, со водени топови, солзавци и што ли уште не. а зошто? За да го скријат својот страв од самите себе, за да протуркаат уште некое време во дебелите фотелји, за да пропатуваат уште малку на наша сметка и да си ги надополнат орманите, гаражите, становите уште со по некоја „дребулија“.

.ќе сме имале граѓанска војна, ќе ни покажале дека се повеќе. после нашиот мирен собир, тие ќе (по)кажале како стојат работите. „кој кур протести“ повикуваат - евала речникот, таман сте! а кои с(т)е тие, извинете, кои сме ние? не зборуваме за едно те исто?! јас постојано повикувам на мир, на разбирање, на компромис, на созерцание, милост, љубов, правдина - слобода, а т/вие дека ќе ни покажат/те дека с(т)е побројни. т/вие (кое патолошко лудило) - дека и во понеделник може да биде неработен ден за и` така празните институции од кои се троши буџетот за некои бескичменаци да земаат плата со нивната безмозочна елоквентност, тие кои ги повикаа само оние со членски книшки за грантови, кредити и нови вработувања, тие кои за жал сметаа дека само „нивниот модел“ на политичко/ партиско/ државно однесување е правилен, а за жал сами се` и осамени, немаат „друго мислење“, ниту во парламентот, ниту во балканот, во европа и во светот - оти се претставија како „тепачи“, „насилници“, немаат различност никаде.. едноумие до бесвесие.

.слобода на говор НЕ говор на омраза. за жал малкумина прават разлика, а тенка е линијата (по)меѓу...

фала ви што не спуштивте на листите до немајкаде, до недојдија, оти и` така име немаме, освен во економијата, таму сме вечни и најдобри. несвесни сте сите протагонисти на реалноста, повикувате, правите листи, етаблирате клептомани кои сакаат да направат (п)базар од нашите души, од нашите интелектуални капацитети, од нашите визии и од нашите желби. срам да ви е. долу на невротичните посветеници на идејата за бунт, долу на нерамноправните шовинисти за кои нивното е (нај)јако, долу на фалусоидните ментални идеа за (нај)доброто. глобалното будење почнува локално, но се шири, во секоја педа од планетата, дали е вистинско ќе покаже времето, дека е потребно покажува моментот. све сте те се!

.не е толпа против полицијата - туку народот против режимот! 

ете затоа овие денови јас решив гласно да ‪#‎протестирам‬! пари за тамара немаше, а за мерцедес имаше. затоа станови и мерцедеси за сите, а за Вас келии со full опрема, „прекрасни луѓе“. држава во која менуваш собраниски канал со нова бомба - не е држава. Потребно е да ја вратиме државата на граѓаните...

.грујо go home u're nuts!

и повторно е време за владини реклами, време за повикување на собири, време во кое нашата борба остана да ја водиме на новите медиуми. „да бидеме сплотени како никогаш до сега и така за секогаш!“ - ми се повраќа од вакви флоскули кога на виделина го имаме обратното, кога имаме поделба на наши и ваши. кога имаме „ние сме побројни“. Кога наместо на попис, пучанството се пребројува со помош на партиски списоници. Мерење на малоумноста и непочитување на интелигенцијата.

на времето имаше едно вмро - тоа беше ок. по него дојде и едно друго вмро - е тоа беше дно дна, драг внучко!

.можеби на некому му е криво што ме виде како „лидер“ и „гласноговорник“ на протестите кои ги организиравме во Струмица. за некого можеби тоа беше во ред затоа што ме стави во одреден кош/ група мислијќи: „еве сега барем знаеме дека и тој е со тие“, но драги мои, немојте да си мислите дека сум дел од тие ваши алузии.

протестите во Струмица беа за стоп на полициската бруталност, за смртта на мартин, за младите кои секојдневно се пик на полицијата како „сомнителни, различни“ и што ли уште не. затоа застанав и кажав дека не е така и дека сите ние сме овде за да кажеме дека повеќе не се плашиме!.

слободата на движењето и слободата на изразувањето се основни човекови права. доста ни е од бесконечната апологетска парадигма за тоа „колку чини слободата“?

:секојдневно не има се повеќе самосвесни, зрели и прогресивни граѓани. многу сме и решени сме да одиме до крај. тие што исплашено дозволуваат деновиве по не знам кој пат да бидат прегазени, едвај го чекаат денот да ја тргнеме оваа власт и како вистински отворени да им простиме и да им подадеме рака.

.не сме ние ни од вмро, ни од сдсм - ние сме од интернет!

можеби вам ви се допаѓа розевата слика која се емитува на провладините медиуми и сите оние емисии од северниот сосед и серии од нашите „турски пријатели“, но јас знам и сум длабоко убеден дека има луѓе кои можат да погледнат и малку подалеку од оваа хипноза на актуелнава тоталитарна диктатура и заклучат дека слободата на изразувањето во моментот е претворена во едноумие, етикетирање на различното како вештерството во средниот век и оцрнување на другоста во однос на моделот кој „тие“ го презентираат како „вистинскиот“. за мене тоа не е така и се додека не слушнам натпревар на различните ставови, прогрес на критичната мисла ќе се борам за истите да видат „бел ден“.

мислењето не е форма на кастрација, затоа и културата не треба да стане сомнителна штом ќе се идентифицира со критичките ставови.

„ најновата колумна на Миленко Неделковски за Курир: Независна Демократско - Предавничка Република Македонија (Вардар преку Мекиците од Стража) Силна!“ – СТРАШНО, нели?

#протестирам затоа што вчера се возам со такси кон протестот кој го организиравме во струмица како дел од приклучувањето на граѓанската платформа ‪#‎доаѓаме‬ со полна кола платна, транспаренти и сл. и таксистот ме прашува: зарем не е утре протестот? хм.. му викам, да нема утре пак контра протест од вмро, ние денес слободно, граѓаните без партија се собираме. ми вика: да, да, изгледа. штета, јас сум член на партијата, стално ми се јавуваат, но јас веќе немам доверба во тоа што го прават, нема како да им кажам, но арно правите, вас ве поддржувам. овие забегаа скроз, убаво да поминете и само напред - да падне оваа власт веќе.

- стигнав на локацијата, му се заблагодарив за разговорот и искреноста и му кажав ако сака да дојде во скопје утре. ми рече дека размислува со целата фамилија да дојде, иако досега биле за грујо. ми даде дополнителна мотивација гласно да говорам. не сме сами, народот полека се освестува!

.смеењето на дикПаторот во аудио снимките (бомбите) е навреда за македонскиот народ!

можеби некој ќе каже во Струмица граѓанскиот сектор е слаб, никаков, животари со неколку организации, но сепак, 30-тина организации се собравме под една платформа „Граѓанска демократија“, со која не се плашиме да кажеме доаѓаме и доста ни е од се, всушност – аман, преку глава ни е!

некој ќе ме праша, а зошто пободу протестираш? #‎протестирам‬ за загинатите полицајци, за мартин нешкоски, за тамара, за никола младенов и за сите останати жртви на оваа недемократско владеење на „сопственикот на мерцедесот“.

#протестирам против мртвата демократија, диктатура, едноумие, криминал, политички затвореници, апсени студенти кои го кренале својот глас, тиранија, медиумски мрак, режирани избори, нетранспарентни институции, партизирани и фамилијарно судтсво... #протестирам за враќање на демократијата во рацете на демократијата.

#протестирам ‪#‎збогумникола‬, ‪#‎достае‬, ние ‪#‎доаѓаме‬ и бараме ‪#‎оставки‬ од цела влада!

- доста ни е веќе оваа репресија, затоа веќе не говориме само, туку преземаме акција, говорот и акцијата се надеваме дека ќе не донесе до посакуваниот успех.

бомби паѓат Боже прости Ни 

тешки се ко нивните гревови 

плаче срце од сите страни

 плаче за слободна Македонија!

секојдневно се молам да им се врати паметот на сите, за да не бидеме марионети повторно на нечие непријатно сценарио! нам не ни требаат провокатори и преваранти кои се поклонуваат пред партиските знамиња и лагата... нам ни е важна суштина на овој силен граѓански процес, но и посакуваниот крај, од кој не се откажуваме – не се откажуваме сега кога веќе сме заокружени со кругови, кога веќе сме анестезирани од вашата суровост, глупост и неписменост!

„додека околу тебе кружат крокодили, апсурдно е да се жалиш дека водата е студена.“

не, нема да дозволиме да си одиме б(р)е, ќе си одите вие (во Идризово), за вашиот криминал неколкуте оставки не се доволни, морате да одговарате кривично, оти ќе си одиме и ние, малкуте, ќе цркнете во моментот кога ќе не (по)барате - цркнете во црнилата на ноктите... на нозете, рацете, мозокот и душата. одвратни силеџии на мегаломанската (човечка, либертаријанска) тиранија!

0 comments

#фалаНикола #протестирам поради таквите како Вас - #доста е!

.еднаш далеку во некоја земја постоел царот и говедарите околу него. ех, таа земја не е дел од приказните кои ги раскажувале старите на нивните деца, ова е приказна за #баграта која се случува во модерно време, во средновековна македонија, држава со примеси на барок и смрдеа - смрдеа на пропаднати врби, заглавени галии, гипс картони, магистрали со ендеци, млади (случајни) смртници, (не)излечиви болести и „без виновници“.

by: Иван Дургутовски

за среќа на вистината оваа приказна неодамна почна да го менува жанрот и од случајна хорор-трилер „бајка“, односно дпмне-вска сказна премина во реалност со молскавична психолошка драматургија. секако, нашите главни ликови не беа царот и неговите говедари, туку целото пучанство!

зошто така? епа така! оти на народот му пукна од сета мака, па реши да викне на цел глас да го ослободи гневот и да крене рака. „доста е, доста е“, „нема правда, нема мир!“ провикна на цел глас, а ехото како глас од небо проникна низ целото село. ок де, вукојебина, за да нема поетика. пастирот и неговата дружина, како багра досега невидена реши(ла) сама да си пука во колено. оти грешките до три не се паметат, но кога се: 4, 5, 6, 7, 8, 9, 10... и се така до недоглед народот како судија вади тефтер и почнува да забележува.

.не, не се срамам што живеам со убијци. свесен сум дека има такви кои се изживуваат со нашата слабост, но како што бев на протестите против оваа полициска и сеопшта бруталност, на протестите за мартин нешкоски неколку денови по ред така и денес сум револтиран. вријам од оваа бомба. од бедотијата од министри кои „народот ги сака“ и ги избрал, од нивото на кое комуницираат меѓусебе и се исмеваат на тагата на послабиот. не, тие не се пациенти избегани од санаториум, тие допрва треба да одат таму..

- народот ќе пресече, а тие ќе бидат судени и осудени за виновни. ова не е комарец во око веќе, ова е слон кој свесно гази врз нашиот разум. ова не поминува!

[disclaimer 1] .не смееме да дозволиме уште една исценирана војна! ова е вистински живот, не не терајте нас луѓето да бидеме аматери глумци во него - престанете!

нека се срамат од вас вашите живи и мртви родители што родиле вакви изроди! но, затоа што не може се` да се запамети, по не знам кој пат, повторно, решив да (за)пишувам.

запис бр. 1 - #Скопје2014 

така почна една историја на револт кај македонскиот народ, оној слободен, независен, ослободен од влакната на јазикот, депилиран од партиската влијателност, исчистен од клетвата на диктаторот. додека државата полека пропаѓаше, во центарот на скопје се раѓаше град во градот, ама тоа беше, а сега уште повеќе е град на илузијата, град на лагата, на корупцијата. град на кичот, на болната фантазија. на ефтините ламби во боја, на данокот кој го (из)гори народот до гола кожа. не, нема да пишувам повеќе за дизниленд, одвратен е, хаотичен, бесмислен и како од болен водич направен.

запис бр. 2 - #протестирам #Нешковски

победија. никола, никола, аплауз, аплауз. никола, никола! и оп - нешто непријатно. вмрпвци - вмровец убија. случајно или по грешка, на лага или ко смешка, падна првиот младич, несомнено во борбата за нова слобода. и од тогаш до денес, се случува #протестирам. така народот на кој му е преку глава од овој режим секојдневно излегува на улица и за „се нешто“, навидум за горните „небитно“ - протестира. протестирам и јас, за животот, за можностите кои ги немам, за правдината која секојдневно ја губам, за медиумите кои ме лажат, птотив оние кои иднината ми ја крадат.за жал #Мартин веќе го нема, #Нешковски за некој беше заборавена шема, но тоа така, се додека во воздухот не пролета нова трака. бомба де, бомма, која направи за момент да заборавиме што значи тоа #полицискабруталност, оти човек-полицаец остави штит на земја и кон народот свој гордо (неточно), без жал со кон бедникот во тортата (влада) што се крие, со грб крена и на народот остави што знае да направи! е #МартинНешкоски, да знаеш, каде и да си сега, од кое и место да гледаш, ние никогаш нема да те заборавиме оти диктатурата не застанала, туку напротив конечно со оружје против народот пак сака да крене, а не знае, народот е нож за оние кои сакаат да скокаат банџи, а не знаат дека дојде времето кога нивниот шизофрен адреаналин не може веќе да го поднесе. почивај во мир!

запис бр. 3 - #ОставказаТодоров

#Тамара беше едно од многуде деца во државата кои секојдневно бараат помош. сакаат да живеат, родени биле за да живеат, но откако болеста ги највасала, не можеле да спасат кожа, па побарале помош од државата. во моментот во државата има стотици деца и возрасни на кои итно им е потребна помош за итно лечење надвор од државата, но за жал препотентниот министер за (несудени, но осудени) погреби за тоа баш и не му е грижа. користи бесп(л)атни министерски кредити за да си задоволува свои ментални хирови. и ти мила #Тамара каде и да си да знаеш дека народот и` нему му кажа: #ТодорOff - #ПравдазаТамара!

запис бр. 4 - #СтудентскиПленум; #НаставничкиПленум; #СредношколскиПленум;
 #СредношколскиФронт; #НароденПленум

во младите е иднината, така ни велеа старите, нели? е за жал се почесто се соочуваме со фактот дека млади во државата се помалку има, но ги има. а оние кои се овде ете како се свесни во која недојдија живеат, па затоа и тие гордо ја започнаа својата борба за (нај)основното. нема образование, ќе не нема ни нас! така рекоа и излегоа најпрво на улица. не застана се таму, тоа беше само зародиш на едно нешто подлабоко, посуштинско, нешто што ќе ја истера вистината и правдината за она најпотребно. #ПоздравПленумци направија #АвтономнаЗона, ги освоија своите факултети и му покажаа на министерството за образование како се креира и води (алтернативна) настава. во моментот на државата и се случуваат кампови од средношколци, револт од студенти заради лагите во законот и сенароден, граѓански, масовен, државен пленум! 

запис бр. 5 - #ТикТак #Бомба; #Бомба1; #Бомба2; #Бомба3, ... #Бомба29;

ние - народот како никогаш до сега решивме да се соочиме со вистината и тоа не само преку #марш за #промени, туку и како верни слушатели на она што најмногу не боли. да, „пwемиере“, ги слушаме вашите гадотии, оти ние, народот, немаме пари за леб, а вие ни нудите чоколада. добро, малку е отровна и боли, но, ние како и #МакедонијаВечна, повечни од вас ќе бидете, оти ние не сме македончиња, туку македонци и нашите предци полошо од вас виделе, па така и ние ќе издржиме. тоа што во моментот го слушате, тоа не е воз чиј звук се слуша, а тој никако не се појавува, ова што сега го слушате е парната локомотива и вагоните од пеколот кои со полна пареа доаѓаат и вашите грешни души со линија во еден правец до изчезнување ќе ве одведат.

запис бр. 6 - #фалаНикола

да, ама стварно, само те молам исчезни, исчезни како дете од детството кое е заборавено затоа што било лошо и недружелубиво. изчезни како дамка од асфалтот после дождот, исчезни како дупка од патот кој никогаш не успеа правилно да го изодиш. благодарностите не се потребни, #фалаНикола, фала што не обедини, тоа е врвот на „иронијата“ на твоето владеење - го сакал ти тоа или не, на нас, народот, ни е сеедно, навистина. нема повеќе човечиња, рачиња, мачиња...

запис бр. 7 - #збогумНикола

ало #началниче, вестите кои ги пласирате се смешни, симулакруми на вашата лага. оваа илузија е онаа од која вие ќе се лечите, ќе мислите дека сето тоа што сте го ветувале, ние сме го прифатиле како #остваруваме. не, за среќа на вистината народот уште од поодамна разбра дека со ракавици на рака работите, а она 24/7 е оправдување за пензионерите и луѓето од маргините кои за жал не им дозволи во сите овие години да ја видат и другата страна. нема веќе #молк, едноумието не постои ни во животинското царство, таблетите, бањите, автопатите, дијалозите - се тоа ќе биде само неостварена желба за вас самите.

[disclaimer 2.]се моли македонија вечна да престане да гази луѓе. тажно е, луѓето имаат век на траење, па и него да му го одземете! секој ден некој некаде прегазил некој. боли. се убиваме меѓусебно на сите можно (не)природни начини. до кога?

застанувам со записите единствено затоа што верувам во силата на бројот седум, верувам дека таа е портал за отварање на некои вонземни сили кои ете како во овој текст се само фантазмагорија, оти тука сме се уште, тоталитаризмот не верувам дека така полека и лесно се повлекува. но јас некако немам повеќе страв, станав имун на ова сценарио, некако мислам дека во нас се вгради некој хедонизам од ваквиот политички мазохизам. или пак можеби станува збор за некој друг - изам, небитно.

застанав со записите, но никако да го заборавам #Кежаровски, ниту пак #ПротестХонорарци, едноставно - н е м о ж а м! сум пишувал многу за мраковите во медиумите, за слободата во изразувањето, за криминалот кој е навлезен во сите пори на институциите, за братучедите, роднините..., ама сакам да споменам и за гапот кој владее делумно меѓу народот, оној нашиот кој го нема ни сега, ни тогаш кога (нај)многу треба. ќе се сетите и на моментите кога бевме хумани и фини, кога за фотки на фб помагавме на нашите северни соседи, а наеднаш се случи „нешто неочекувано“, и тогаш никој, ама баш никој не се (за)грижи за оние #поплави кои ја нападнаа нашата држава, па кога и самата наша држава со се „врвот“ промрчеа само нешто ситно по „медиумите“ дека ќе се покријат дел од штетите, но дали?! .хипокризијата е „големата вредност“ која многумина ја поседуваат во денешното општество.

 "To tell the truth is revolutionary." Antonio Gramsci

#ЕвеНеЗнам - но, тие ќе се буткаат по 100 луѓе во 30 квадрати (или како и да беше) да прават мегаломански фалсификати на избори, а народот ќе го лажат со мастила и UV ламби. кои будали, не ми се верува, планета на мајмуните не ни е рамна. квалификациите кои секојдневно ги слушаме во бомбите е типичен одраз на нивната манипулаторска лика. животните кои ги споменуваат ќе почнат да рикаат во нивните желудници, во нивните умови ќе се појави анимална мигрена која ќе ги однесе во лудница. болката нанесена на народот, стравот и нетрпението дупло ќе им се врати. почнаа да си веруваат на своите лаги, си ги пуштаат платените реклами за сами да си веруваат на она што веќе непотребно го изрекуваат, секој нормален човек таквите телевизии и пропаганди веќе одамна ги игнорира. пленумот е мал, но во него се сите. не ни требаат уште диктаторски песни за учење. во нивен стил: sieg heil слободен народе!

#Ајде и не само на #референдум за #ГТЦ, нема човек кој е свесен што значи архитектура и кој нема да каже #ГосакамГТЦ! сите заедно да им кажеме на хоштаплерите #долуВлада - #збогумРумелија, #падавлада, #ВистинатазаМакедонија ве стигна, време е за #попис и за нови #избори!

 државата ни (по)стана очајна и тажна #ОткогаЕВМРОнаВласт и од кога #Ж се претставува во нашата паланка како шериф, како каубоец, како нереализиран глумец и разочаран боксер и откако „мака мачеше“ и удираше со лажна суета како политичар цела деценија народот повторно кажа „и од овие нема фајде“. затоа и наместо претседател како што ни (до)ликува го добивме #Хорхе, во прекрасната улога на чаплин, или поточно кажано „има слика - нема глас“. #ОнаКога ти е #доста и од #шител и од #Гоца, #Ставре, #Латас и #Миленко и кога не заминуваш од државата, туку гласно кажуваш - #оставка!

.македонија пленум да е, секој да ја знае.mp3 

0 comments