.бомби, пучови, оставки, протести, ослободување - за македонија се работи!

.деновиве се изнаслушавме секакви глупости по медиумите, од една страна стравот кај група на граѓани расте, а од друга отпорот кој полека - полека, но сигурно го покрева притисокот и револтот на секој оној кој ја надминал оваа сипаница, која во моментов можеме да ја наречеме партиска стравопочит или кивавица.

Големиот брат не прислушкува, ние го преслушкуваме глушецот во канализацијата. не надгледуваат корпоративни, капиталистички, глобални вонземјани. на некој му е грижа за домот, на некој за држава, а некој од кога ги спакувал куферите, полека се обидува да ја заборави нанесената траума...

секојдневно се почесто сме сведоци на диригентсвото кое навлегло во сите можни медиуми, гледаме одредени прилози кои се емитуваат без никакви содржински промени на сите провладини продадени медиуми, читаме на десетици портали како една иста вест се шири како екслузивна, иако граматички е хендикипирана, а нејзината целина и вистинитост бледа.

➤ сакаме ли да продолжиме да живееме во вакво општество?
➤ ќе дојдеме ли до момент кога ќе го надминеме овој медиумски мрак?
➤ се буткаме ли со некоја задоволителна брзина кон одредени промени кои се нужни, за сите заедно да кажеме - Е ОВА Е ПОДОБРО?!
➤ ја преболивме ли смртта на Тамара или револотот дека министерот за здравство се` уште не дал оставка се` повеќе расте?
➤ ќе кажеме ли доста на целата нетрпеливост?

политиката, особено партиската навлезе во сите пори, во сите домови. се повеќе можеш да слушнеш како луѓе се препукуваат како најголеми непријатели, иако кога ќе се погледнат во очи знаат дека ова не е тоа што некој го посакувал.

пучови, лустрации, протести, оставки, изреволтирани страни, „непоканети“ бранители од домашни непријатели, армакедонски гласноговорници.

➧ до кога?

рафали на сите страни. вербални недоразбирања и тоа во крајности. кога на белото викаш дека е црно и обратно, кога на црното викаш дека е бело. неверојатно, или не?!

да кажеш дека оваа серија на преслушкувања објавени од страна на опозицијата, протестите ‪#‎ОставкаЗаТодорOff‬, ‪#‎Студентскипленум‬, протестот на хонорарците, ‪#‎ајде‬, ‪#‎полицискабруталност‬, ‪#‎доста‬ и уште редица други не го размрдале мозокот на било кој совесен граѓанин кој не е (партиски и/ или граѓански активно) определен, или пак едноставно решил да стои на страната на вистината, правото, моралот и етиката, во најмала рака треба да ти се умртвени сите мозочни центри за разумно расудување на големата слика или да ти е уништен единствениот „живец во срцето“ или јазикот да ти е отрпнат за препознавање на топло - ладно. нема друго. 

страдалници сме кои ја обвинуваат мајката на Тамара, кои ги обвинуваат пензионерите оти некој друг во нив видел профит, душовадници сме кои не знаат да му помогнат на својот роднина во мака, а на соседот или некој паднат на улица уште помалку - та се ситат како волци во глувост или лудост гладна, сеедно. па затоа сме први во штабот, небаре таму месијата дели милостина за сите душогрижници, а ситниот пастор со ронки на крајот од неговиот хвалоспев во кој го воспева неговиот очај и самиот себе како папагал со просо се задоволува. перверзија која ниедна канализација не може да ја однесе брзо од нашиот систем, оти и античките експерти кои нашле свое бачило во странство се мешаат и душогубно осудуваат. 

➧ .дали вестите на сител го прекинаа „говорот на диктаторот“? значи ептен е дојдено до „збогум румелија“. 

- живееме во време во кое јавниот сервис стана јавна куќа која сите ја плаќаме, а никој не ја користи како вработени таму да се заболени од сифилис, време во кое министерството за здравство стана министерство за смрт и долго сеќавање, министерството за правда - министерство за мито и корупција, МВР- ВМР, па на крај и ќе слушнеш парафразирано дека некој ти кажува во прво лице еднина: какви нелуѓе биле тие од владата (?!) - страшно!

смешни телевизиски дебати, етикетирање, бесење во talk шоуа, повикување на линч, швалерај и ренесанса, бензини и патни трошоци со астрономски исплатени фактури. поплави. оштетени. заборавени. од друга страна ликови желни за доминација.

луѓе без општа култура, луѓе кои не знаат седнати на маса да се фокусираат на своите ставови и да разговараат на пристојно ниво. испаничени полтрони кои внесува нервоза, агресија, нетрпеливост. навредуваат. кафанџии кои најверојатно се навикнале да бидат главни во нечии каубојски салони, кооперации, опкружени со нивните припрости овци.

жал ми е што со вакви потпросечни (навидум професори, колумнисти, аналитичари, интелектуалци) го делам воздухот. па, на крај треба и да ги прифатиме и разбереме. луѓе на кои очајно им е потребна ЉУБОВ, некој да ги гушне и да ги сожали.

се крие нешто ужасно тажно во таквата вербална хистерија, која како некој вирус ти го уништува имунолошкиот систем, ја успорува граѓанската борба, го грчи мозокот и ја сецка волјата како салама на која и` е потребно вегета, за ракијата да лизга поубаво! но, ова веќе не може да лизга, нит е ракија, ниту пак е добра.

❝ .ако живеете доволно долго, ќе видите дека секоја победа се претвора во пораз.❞ Симон де Бовоар

се бориме како пристојни соговорници, иако се некој на другата страна успева да покаже што значи да бидеш на дното на здравиот разум и условно кажано пристојната граѓанската медиумска/ дигитална комуникација. некој на некој постојано му го зема зборот, со тензијата во тонот си мисли дека доминира, па нешто демек на шала сака да допраша, а всушност одработува, се бори за работното место кое го добил преку партија. да не беше тажно ќе беше смешно, но ова е типичен модел на сегашнава ултра-наци, тоталитаристичка демагогија која несомнено озурпира, „овај“ се обидува недоследно и навидум бескрајно да шармира се што е се` уште слепо и самобендисано. годзили кои дефинитивно треба да се вратат во основно и да научат како треба да се однесуваат меѓу луѓе, на интернет, во јавност - оти човекот е можеби животно, според Дарвин, но умот го сместил скалила угоре од мајмунот од кој некој си мисли дека потекнува! 

- како е во македонија?
- паа.. не можеме да се пожалиме.
- тогаш значи не е лошо..
- не. реков дека не можеме да се пожалиме!

.латас гласно размислува за самиот да се убеди во тоа што го кажува?
.грујо гласно размислува за самиот да се убеди во тоа што го кажува.

❝.светот нема да биде уништен од оние кои чинат зло, туку од оние кои го набљудуваат сето тоа и не преземаат ништо.❞ - некогаш рекол ајнштајн, а јас на ова ќе залепам само нешто од мандела што мислам дека одлично го надополнува контекстот: ❝храбар човек не е оној кој не чувствува страв, туку оној кој го победува!❞

➧ .не (ми) е важно од каде се материјалите, важно (ми) е што има да се слушне на нив!

систем нема, институциите се корумпирани, нема правда, нема судство, нема апсолутно ништо што треба да има за да можеме да кажеме дека има држава. полицијата треба да биде овде за да не чува и заштитува, никако да ни биде закана и страв.

само бланко сигурност дека нешто ќе се среди, иако сите со страв заклучуваме дека допрва полошо ќе биде.

а материјалите за какви цели се користат според глувата „маса“? за да се уништи државата=владата? НЕ, туку за да му се обзнани на НАРОДОТ каква владеачка гарнитура избирала во текот на овие години, за да се информира БУДНАТА ЈАВНОСТ, иако мислам дека и тоа треба да се стави под знак прашалник, затоа што постои ГОЛЕМА ВЕРОЈАТНОСТ изборите да се наместени. со вакво постапување на поединци се загрозува правниот поредок и правната еднаквост на граѓаните, но со вакво однесување на ВЛАДАТА е загрозен правниот поредок и слободата “загарантирани“ со УСТАВ на државата! што слушнавме до сега во овие неколку бомби? многу слушнавме... многу! секој од нас треба да биде загрижен, веќе не е важно од каде стигнале материјалите до заев, туку колку овие материјали кажуваат за штетноста со која роварат вклучените во истите!

се пласираат илузиорни, навидум саркастични парадигми со кои народот повеќе нема да може да се излаже, ниту со не знам какви селективни државно платени здруженија кои имаат за цел уште толку повеќе да го раздвојат народот, уште помалку со примерите за криминал од пред една деценија кои беа носечка вистина која ја турна претходната влада. истото се случува и сега, со информации кои на сличен начин како и тогаш, така и сега се пласираат на јавноста, ќе пресече народот повторно, но овој пат јас се надевам во полза на самиот себе, не на одредени “елитисти“ кои се исмеваат на убиства, местенки, народ кој гине по универзитети и улици и што ли не!

➧ .една бомба имаме, со радост (ќе) ја носиме.mp3

❝.120 вмровци ќе бидат новите вработени бранители на армијата на рм, до крајот на годината бројката треба да стигне 250, така да, ако сакате да сте војник, штабовите ве чекаат да се пријавите 24/ 7. може и кај најблискиот комшија „војвода“, тој има броеви од „најважните“ - секогаш! - јас стварно не знам зошто не оди вака соопштението. многу е потранспарентно, оти вистината е и така и така кристално чиста и јасна!❞

и пак вртење во круг, небаре сме дрвото од вицот кое вртело околу куќата, дворот, градината, оградата и на крај пак го удрило стопанот по ... „главата“. 

опција прва или опција втора. и пак загатлива тема. се надевам дека нашиот народ ќе се издигне над биполарната константна партиска одлучност, можеби, а? но сепак, полето за политички натпревар за подобро би било многу повеќе од загриженост, страв, излудување. сметам дека македонија е веќе здраво подготвена да очекува од некој следен да изгради подлога која ќе се однесува со гласачкото тело и сите останати грижливо и со адеквантен пристап кон “стратегиите“ за кои обично се слуша само на митинзите, а после место “100 чекори“, народот продолжува да ја следи општонародната клетва „два напред, три назад...“ 

има доста страни кои нудат решенија. или ние сме свесно глуви и слепи на истите или делумно самите себе се декларираме како “семоќни експерти за се` и сешто“, а на крај кога пак доаѓа време за избор, сите со главата во ѕидот.

живееме во ново време кое го изгради граѓанинот и кое константно продолжува да го гради, самите себе сме си мотивација дека можеме подобро. има кој да ја гради подлогата, посебно во еден ваков период како што се последните неколку години каде очигледно е дека во позадина оди текстот: "let me take u down, 'cause i'm going to ...." ете како има капацитет во оваа држава, животари, дише на шкрги, но не се откажува. секогаш кога било најтешко се случувала позитивна промена. јас на ова би гледал малку попрогресивно и попозитивно, оти нели од (граѓанската) проекција на иднината се` зависи?! 

во секој случај, народот во овој момент не треба од „двете зла, да го избере помалото зло“, туку добро да размисли, требаат визионери и луѓе кои досега се докажале во своите полиња и сега решиле обединето да и помогнат на државата, а такви поединци ете како има. и тоа многу! не ги препознаваш? значи дека не следиш доволно или дека гледаш низ прозорец кој оваа политичка дводецениска магла доволно го извалкала. исчисти си, секој од нас може барем сопствениот прозорец да си го исчисти, да си го подобри сопствениот светоглед, македоноглед, градоглед, улицоглед!

во моментот во државата има луѓе кои со своите ставови отскокнуваат многу во однос на се` она досега видено и почуствувано на сопствена кожа, времето ќе покаже. дали ќе се формира нешто ново, дали нешто старо како од феникс ќе се подигне повторно, дали нешто кое досега било во сенка, сега ќе создаде механизам да излезе на површина, но премногу е луцидно овде да судам, проценувам и констатирам. 

 [овде некој не може ни да го надмине, ни да го победи неговиот страв, а стравот е таков, кога го чувствуваш, а не можеш да го прескокнеш, тој ќе те прегази.]

:но. оваа арка, наша македонска, нема така лесно да пропадне, оти тешка е, преполна со непотребно ѓубре, но за жал истото ја заглавило само на дното, но водата во која сме заглавени не е толку длабока за арката да потоне, а народот секогаш до сега се ослободувал од непотребното, за да ја подигне својата платформа и повторно да заплови во подлабоките води.

!треба да го игнорираме дневниот шунт од информации и да се фокусираме текстуално на она што има подлабока суштина и не е само привидна анахрона алузија, 5 sec reading, ако ме разбираш. за жал пропагандата глобално си ја одработува генерално агендата за перење на мозоци и задојување на умови. ќе биде уште посилна, но здравиот разум, силната мисла и одлучноста за промена секогаш ќе може да се слушне, за оние кои сакаат да го слушнат гласот кој одекнува. ок, ова последното ми е премногу идеалистичко, но подобро вака за менталниот склоп, за разлика од целата депресивна ситуација и начин на меѓусебно глодање кое го нудат нашите граѓани и сегашната (без)времена конституција „и да погинам колку можам ќе се спасам“.   

➧ .луѓе со ампутирани делови од телото и после отстранувањето уште ја чувствуваат болката иако деловите веќе ги нема. ‪#‎демократија‬ 
  

0 comments

.струмичкиот карневал годинава без финансии од државата - #одлично

.на официјалната страница на општина Струмица на facebook денес беше објавено дека годинава министерството за култура финансиски не го поддржува „Струмичкиот карневал“.

.за што станува збор и зошто така се однесува нашата држава со нашиот град се гледа од авион, доколку би се изразиле архаично. но, поентата на овој блог пост нема да биде “млатење во слама“ или реторичко повторување на мислите на мнозинството на граѓани, а секако нема да бидат прескокнати и старите болни рани на кои многумина ќе се присетат и можеби, во длабока храброст ќе се обидат да ги стават како аргумент на маса.

драги пријатели и луѓе кои го читате овој блог, низ содржините овде ќе пронајдете многу мои ставови, кои се најчесто критични за одредени актуелни случувања во нашата ни “мила и напатена државичка“, па така, како што пишував пред извесно време за селективноста при изборот на дела и проекти кои поминале од истото министерство за култура оваа година, со овој текст само ќе се надоврзам на моето незадоволство во селективноста и правото за избор на манифестации/ настани и дела кои се национален интерес за државата.

„Струмичкиот карневал, манифестација со вековна традиција и со најголем број учесници и посетители во Република Македонија, како да не постои за министерството за култура. Ова министерство ја одби пријавата на општина Струмица за проектот меѓународен струмички карневал 2015 доставена на годишниот конкурс за финансирање проекти од национален интерес во културата од областа на музичка и музичко – сценска дејност за 2015 година. Нема конкретно образложение зошто се одбива пријавата на општина Струмица, туку, дека се одбива согласно со дополнително направената уметничка, професионална и непристрасна селекција на стручната комисија за музичко – сценска дејност, согласно оценката на квалитетот на проектот изразен преку целите и ефектите на проектот и конципираноста на проектот во согласност со приоритетите во музичка и музичко – сценска дејност за 2015 година.“ 

(од објавата на општина Струмица)

:со ова само уште еднаш оваа држава покажа дека нема основни познавања и систем на вреднување кои би биле во однос со разумот на секој развиен современик кој се обидува на било кој начин да прави афирмација на нашата држава, која за жал уште од самиот зародиш е некој очаен хибрид, форма на држава која во последниве неколку години добива само укор од сите развиени “пријатели“ кои ги имаме во светот, а ова министерство уште еднаш покажа дека е типично “министерство за некултура“!
не знам зошто во моментов ми текнува на книгата „министерство на болката“ од Дубравка Угрешиќ, но можеби е затоашто во моментот не станува збор за некаква си (физичка) војна, иако кога подлабоко ќе се размислам секако станува збор за некоја форма на војна (тортура) и тоа можеби онаа потешката, менталната, умствената, или онаа што ни е наметната од страна на државата, а се коси со секоја здрава мисла.

ако сакаме да навлеземе подетално во можните причини зошто нашиот карневал е игнориран, наспроти селските пагански паради во државата, ќе навлеземе во една подлабока структура на теми и дилеми, кои како “зелката со кошули 300“, ќе се налепат, вака или онака сами по себе. за жал една од основните причини која мене ми се провлекува како прва за носењето на ваква одлука е преместувањето на терминот на одржување на карневалот, кој за жал mainstream политиката во државата си мисли дека беше директно и/ или делумно наметнат од страна на актуелната (опозициска) власт во градот. јас со ова не би се согласил, а моето мислење по ова прашање, иако длабоко во себе тогаш, а и сега (можеби), уште сум убеден дека не беше правилно го кажав, а тоа е:

- на форум на граѓани пред неколку години се одлучи карневалот да биде преместен во сабота, ден кој беше најблискиот викенд до празникот/ традицијата поради која се одржува самиот карневал.

имаше и позитивни и негативни коментари по таа тема, како и тогаш така и денес, а јас сум среќен дека барем беа викнати граѓаните, а бев еден од оние кои се противеа на идејата за преместување на денот на карневалот, и тоа јавно, на истата трибина/ дебата за која во моментот некој ќе инсинуира дека сме разбрале отпосле, и е главната причина зошто ете постепено не игнорираат, а факт е дека не беше така, туку сите оние кои секогаш сакале да бидат активни граѓани на градот беа навремено информирани и можеа да се вклучат во истата!

темата на овој пост е: НА „КАРНЕВАЛ СО ТРАДИЦИЈА“ МИНИСТЕРСТВОТО ЗА (НЕ)КУЛТУРА ОВАА ГОДИНА ФИНАНСИСКИ НЕ ГО ПОДДРЖА, а апропо на (не)поддржувањето на министерството поради политички дискурси кои за граѓаните (како едно) се небитни, само ќе го споменам дека и стариот струмички театар кој требаше да биде изграден уште пред 4 години и тоа само ако следиме медиумски, а ако следиме по документи и троа порано, уште нема ни „И“ од било каква изградба, додека гипсовите во Скопје, полека, но сигурно веќе почнаа да се распаѓаат.

нејсе, “шуќур“ ни се такви плитки поддршки од нашето ни “врвно, високо-елокветно, трудољубиво министерство“ за после да дојдат и да се “кипрат“ со изјави за “шител“ како тие го направиле овој карневал ова што Е. духот на Струмица и Струмичкиот карневал е нешто што е навистина препознатливо во светот, сакал или не, на некого да му се допаѓа тоа, а градот на многу нивоа и во многу сектори покажа и докажа дека годиниве (од кога е оваа власт на функција) може да функционира(!) и тоа без финансиите од државата, кои сепак треба да сме СВЕСНИ И ГЛАСНО ДА НАГЛАСИМЕ дека се директни пари на народот, односно на нас граѓаните и последователно на тоа би требало по дифолт (дефиниција, закон, УСТАВ, whateva1) да ни следуваат, а нашите општински управи да управуваат со истите како мислат и каде мислат дека се потребни.  

и додека полека-полека светот ја препознава Струмица, онаква каква што е со сите манифестации и природни богатства кои ги има и поседува и истите ги вреднува онака како што треба, односно ги мапира соодветно на нивните карти, без разлика дали се тие за култура, општествен/ економски развој, природни убавини, традиција итн, тие упорно, како “ИМПАКТ ФАКТОР“ меѓу “напатените граѓани“, на кои се обидуваат на било кој начин да ги догазат, се служат со игнорирање, мешање на баби и жаби, заменување на тези, а сите тие СЕ големи (битни) и клучни точки за моменталната состојба во државата генерално и имплементаторите се директни виновници за уназадувањето на нашата држава, за која соодветно и своевремено секој од чинителите треба да одговара, а оваа тема во догледна иднина би требало да биде “смешка“, оти секој од нас на некој начин сака да си ги истури “фрустрациите“ во туѓ двор, оти нели од “памтивек“ така сме научени, а тоа државата најубаво го прави со овој пример, заборавајќи дека Струмица е дел од Македонија, а не некој туѓ двор воден од узурпатор! 

во една дискусија споменаа дека доколку сме сакале да бидеме поддржани од министерството за култура, требало со референдум да одлучиме дали ќе го промениме терминот на одржување на карневалот (замисли?!). морав на тој коментар скромно да се надоврзам вака:
- ние не сме направиле попис на граѓаните на РМ питај Бога од кога, ти пријателе(?!) говориш за референдум на манифестација која има стабилна управа од 90ти. дегутантно е да се задушуваат манифестации како карневалот со финансиски маневри, само и само да покажат кој е “шериф“ во државата, бидејќи ете како беа потребни “реформи“ (актуелно зборче за простата раја) во самата форма и стратегија за развој на карневалот, затоа не е ист како пред 15/ 20 години, но не можеме да кажеме дека е уназаден, туку дека во него земаат активно (под маски) учество голем дел од нашите сограѓани, да не споменуваме за интернационалната перспектива која ја добивме и меѓународните гости кои ги стекнавме после овие промени. исто така и отворените можности на дел од групните маски да се претстават и надвор од “струмичкиот карневал“... т.е. не може бре ДРЖАВАТА и министерството да НЕ НЕ` “есапи“ ни 2% како манифестација/ карневал кој е најрепрезентативен наспроти сите други “паганарии“ кои се длабоко финансирани од државата, а во суштина се деструктивни на нас како “развиена држава“, нали?

како за крај за моја лична архива ќе го споделам овде и коментарот на Сузана Мицева (новинарка) кој директно продира во одговорот на другото прашање кое (ќе) се наметнува во дискусиите поврзани со годинашнава НЕПОДДРШКА ОД СТРАНА НА МИНИСТЕРСТВОТО ЗА (НЕ)КУЛТУРА, а се однесува на фузијата која успеа оваа организација да ја направи помеѓу она што значеше наследен пагански карневал, и негов обид за адаптација на времето во кое се одржува, односно познатиот струмички празник „ТРИМЕРИ“. еве го во прилог, секако малку модифициран, за да биде прилагоден на овој текст:

- „Струмичкиот карневал датира од паганско време, пријатели, но кај него преовладува еротската содржина. Подоцна, се поврзува со верскиот празник Тримери како и почетокот на велигденскиот пост. Организираната форма е востановена во седумдесетите години на 20 век, а обновена 1990-тите. Постоење на карневал и организирано славење, одржување се две сосема различни работи. И кај нас, токму заради акцентот, на традицијата, верата, и новите текови, трае речиси една седмица.“

 
p.s. како и секогаш , бескрајно сум благодарен на граѓаните сончогледи, на граѓаните мечки (кои вечно спијат), на плакатољупците и на сите оние кои се горди на својата глупост, неписменост, релативизирање, несмислено “плампање“ по фб итн.

важни линкови: 
- Global Voices пишува за Струмичкиот карневал
- Macedonia's Strumica Carnival Continues 350-Year Tradition 
- Strumica Carnival, Macedonia (BalkanGeoTurismTravel) 
- From Brazil to Macedonia: Carnival Ignites Colorful Celebration 

(секако дека има уште интернационални линкови, но сметам дека сте доволно паметни, ако не повеќе барем да побарате по google)

до следна карневализација, односно читање, поздравус големус.
СЕ ГЛЕДАМЕ НА СТРУМИЧКИОТ КАРНЕВАЛ!

0 comments