[прва доза струмичко мрчење. .. оти некогаш навистина работите ти стојат на грло]
- една поинаква градска слика
Не знам зошто, но денес ми се мрчи за градов. Ќе се прави ново езерце, супер ќе имаме повеќе комарци во паркот. Ќе се гради најголемата православна црква на Балканот, да, да, Струмица е град на верници и продажен парк за трактори (малку подоле по улицата).
Нејсе, го фатиле крадецот на патиките Nike, или не го фатиле не знам. Ама знам дека некој си здиплил од работното место во Уни Банка здрави пари. Не, не сакам да се занимавам со детално обработување на настаните, го исчистивме плоштадот, пролетно. .. со црева и големи метли. Сега повторно чекориме по чисто, се препукувме на ситно по мали медиуми, играме мижитатара со скриени профили, пресови, конференции. .. живот снимен со домашна камера.
Карневал е секој ден, театар цел живот. .. и така идејата/ филмот за градот од бајките ми се расипува, како сокршени дискови по улиците и обесените пластични кеси по дрвјата. Овде не живеат само добро воспитаните деца учени и растени во здрава животна средина. Овде си имаме и темни, неасфалтирани ќошиња, непроменети азбесни цевки, по некоја дупка по улиците, недостаток од одбележани патеки за велосипеди, улични продавачи на црно, два-триесет малолетни скитници со боси нозе, хулигани по баровите, вандали по улиците и палми, да, напола развиени, напола исушени. Сега посадивме Магнолија..Но, ние постојано садиме, садевме дрца во Градската Болница пред некој ден (работен), штета што ги украдоа цвеќињата од школото Сандо Масев, Бог нека му прости, Велигден иде, а може сакал поубаво да ги пресади во неговиот двор. Може е невработен комшија на школото и просто човекот сака убава градина за неговата фамилија. Нема ли да има повторно пролетна акција: да ја засадиме нашата иднина?
Децата ги учиме да бидат полицајци, барем на еден ден, демантираме, шушкаме. На пресовите се повторуваме. Повторувањето е мајка на знаењето, затоа изгледа многу основци се влијателни во градот. Кога било време за факултет тие трчале да земат диплома од работнички за завршен стручен курс по металостругарство. Нови канти за ѓубре по селата, а кога само би се научиле да не ги прескокнуваат сите точки во градот. Колумни се пишуваат на големо, за времето се зборува на широко, некој оди назад, некој напред. нашиот гратски часовник е со 15 минути напред во времето. Да, ние сме склони на девизата за оние што брзаат да го стигнат времето, не знам како до сега некој пијан адолесцент не се качил викендашки да ја направи пролетната промена/ сметање на часовите.
* * *
Испразнети книжни кутии од диазепам и тромадол по улиците, да народот живее стресно, распуштени банди по кафичите. .. под очилата за сонце цвета новата пролет.
